Popular Bible Verses from Génesis 3

Share

Mọꞌ p̂en cạveꞌ mọꞌ väsh anic ạꞌniiꞌ ĉọiꞌ, jämꞌ jebac ĉọiꞌ mọꞌ, chimeꞌdye mọꞌ tupuj dyijyedyeꞌ jasoꞌmitiꞌ. Mọꞌdyes qui väch jäqueꞌ, jebeiꞌ judyeyaꞌ qui soꞌmaquiꞌ vämtyiꞌ mọꞌ, chijebeiꞌdye qui muꞌ.

Muꞌ qui namꞌ nas mujuꞌchaꞌ chịjtyiꞌ jiquej, ọyaꞌyaꞌ yocsiꞌ jebacdyeꞌ in jämꞌtacsis Jenꞌ Ayoꞌ tsun jiquej. Atsij muꞌ nas ĉọ́teꞌ mọꞌ p̂en jeꞌ muꞌ: —¿Meꞌ adac Jenꞌ jínac paj qui jam jebetiñeꞌ miꞌin yiris sacacdyeꞌ cätidyeꞌĉansiꞌ?

Yụ raꞌ soꞌmacsi quijnacdyeꞌ p̂entum judyeyaꞌ vóshiꞌtum mọꞌ, mítyiꞌ raꞌ vóshiꞌ in quijñiti raꞌ in mọꞌtyiꞌtum vóshiꞌ mọꞌ. P̂entyiꞌ raꞌ vóshiꞌ mọꞌ yútyibun raꞌ joꞌnoꞌ mi, mi qui raꞌ caravꞌjete tribityve —yi Jenꞌ jéte muꞌ nas.

Muꞌ Jenꞌ jeꞌ mọꞌ p̂en: —Yụ raꞌ meꞌjeye, damꞌdye raꞌ fersiꞌ jịꞌĉojtyeꞌ areꞌredyeꞌ mi basdyiꞌyam. Meꞌ raꞌ tsanꞌ meꞌ mi raꞌ fer mạꞌjete vämtyiꞌ mi, judyeyaꞌ raꞌ chimeꞌ chiquete mi —jajitiꞌ.

Carij qui raꞌ úñi mi ĉụiꞌdyes, junjostum raꞌ dạqueꞌ säcsedyedyes mi, junꞌ quiꞌ chuc jadyic mi. Jacdye raꞌ cuvij munjan mi ĉaĉaij na yụ jac jämꞌtyeye yụ jiquej —yi jajiti muꞌ Jenꞌ.

Adán chimeꞌ p̂eyete Jenꞌ jajiti: —Mi chiquebi p̂ensiꞌ p̂eyacdyeꞌ mi, mọꞌdyes qui mímunyejoij chimeꞌ mi. Jebeiꞌ mi mọꞌ sacacdyeꞌ, yoj jéye nac yụ: "Jam raꞌ jebeiꞌ mi", jéye yụ, q̂uinꞌ raꞌ chat yụ ac̣hiꞌtyeꞌ ọij jac mísiꞌyaꞌ juchaj. Carij qui raꞌ úñi mi, fer raꞌ carijtaqui mi paj qui shupquiꞌ mọꞌyaꞌ jibitidyes mi, junꞌ quiꞌ chuc jadyic mi.

Jenꞌ jajiti: —¿Tyi caꞌ jin mi meꞌ cädäj mi? ¿Jebeiꞌ caꞌ sacacdyeꞌ mi, yoj jéye nac yụ: "Jam raꞌ jebeiꞌ mi", jéye yụ.

Aty jiꞌshupteyaꞌ chat qui tajaꞌve quịjodyeꞌ shupquive tsun, muꞌ Jenꞌ yụꞌtacsi mạyedyeꞌchety ĉọjcaquity in, querubin tịj muꞌin. Chimeꞌdye yụꞌtyeꞌ jeꞌñes machitu yenamquevaꞌjoiꞌ cọijtyivaꞌtiꞌ. Meꞌ yi muꞌ Jenꞌ paj qui jam ĉọ́queꞌ in mọꞌ tsạꞌchuquis sacacdyeꞌ in.

Adán jéyaqui p̂en muꞌ "Eva" jeꞌ, "ĉaĉaij nash mi tashches tseꞌ muntyis muꞌin", yi muꞌ.