Popular Bible Verses from Juan 12

Share

Tyi chuc mạꞌjeꞌ ayotun yụ, paj muꞌ cäc̣häꞌchun yụ. Paj raꞌ tsanꞌ junaꞌ yụ, cäc̣häꞌ raꞌ muꞌ, judyeyaꞌ raꞌ Jenꞌ yụ jasoꞌmiti bijodyeꞌ chimeꞌ —jéyacsi Jesús.

Meꞌdye raꞌ chimeꞌ, tyi chuc ĉụiꞌ mọmoꞌ dyijtutity, muꞌ raꞌ fibiꞌ bäꞌyi. Tyi chuc jam ĉụiꞌ mọmoꞌ dyijtuti úcheꞌ jaccheꞌ, muꞌ raꞌ jam fibiꞌ bäꞌyi, Jenꞌyaꞌ raꞌ muꞌ bäꞌyi.

Anicdye jéyac, yiris vej jambiꞌdyemꞌ quịcsiꞌ, yejĉoiꞌ yiris mọmoꞌ bäꞌyiꞌ, jam junꞌ dayiꞌ. A qui namꞌ rudyuꞌtac jacĉan jụijyaꞌ mọꞌ, chịbiꞌ jụijyaꞌ mọꞌ, moñiꞌ mọꞌ vej mọꞌ, jeñej säñiꞌ meꞌ shupquiꞌ mọꞌ. A qui namꞌ meꞌsiꞌ jụijyaꞌ mọꞌ, daiꞌ raꞌ shubanꞌ mọꞌ.

Yụ úcheꞌ jaccheꞌ jijtuij yụ mạijchucseti úcheꞌ yụ, paj qui jam yejĉoij tojmadyeꞌĉan bäꞌyi in muꞌin anicjintyiꞌ yụ in.

Muꞌin na muntyiꞌ in meꞌ tsanꞌ seꞌvibuntyiꞌ p̂eyacdyeꞌ yụ in, jam qui namꞌ chäquibun jụijyaꞌ yụ in, muꞌin vaꞌtacdyedyety in. Jam yụ yụꞌtacsi vaꞌtacdyedyety in. Yụ atsij úcheꞌ jam meꞌdyety yụ soꞌmacseti vaꞌtacdyeꞌ yụ, mọꞌ tun yụ paj qui jiꞌc̣honacsetiij muntyiꞌ in.

Ayij mọꞌ María tuquiꞌ yiris voteya jẹrejres, anic där yaꞌiꞌsiꞌ mọꞌ jẹrejres. Chojjeyete yujcheꞌ muꞌ Jesús, chat qui shamꞌbibajte ĉụiꞌsiꞌyaꞌ fin mọꞌ. Ọyaꞌquiꞌ jẹrejreiꞌtyiꞌ tŝọiꞌ acaꞌĉan.

Judyeyaꞌ täꞌtseꞌ shan in jeꞌñes manaꞌis, mọꞌ cạiꞌ in jiꞌrebete in muꞌ Jesús. Äjyedyeꞌtum maꞌjotyete muntyiꞌ in, yi in: —Timaꞌqueja uts Ayoꞌ tsun, paj ñịbeꞌjajiti muꞌ Jenꞌ, uts jutactyiꞌ Ayoꞌtyiꞌ tsun mạyedyeꞌchety, paj muꞌ Jenꞌ ñịbeꞌjajiti uts Ayoꞌ tsun Israeltyiꞌ vóshiꞌ tsun —yi muntyiꞌ in, meꞌ dyijyi in mạꞌjeꞌ tsanꞌ cavintum ayoꞌbuꞌyi ĉọ́te u in.

Jesús yi jéyacsi: —Atyuꞌ u c̣hẹiꞌyaꞌ tupudyeꞌ yụ Anictyity Muntyiꞌ yụ, jorojĉan raꞌ fer buꞌyedyeꞌ yụ ĉaĉaij na yụ mạyedyeꞌchety.