Popular Bible Verses from Lucas 12

Share

Meꞌdye miꞌin chimeꞌ jam chịj miꞌin, yụ raꞌ junꞌsiꞌ raꞌ ĉụiꞌ mọmoꞌ atsijban yụ Anictyity Muntyiꞌ yụ, mọꞌdyes raꞌ jäꞌmiiꞌtyi miꞌin. Junꞌsiꞌ raꞌ ĉụiꞌ mọmoꞌ atsijban yụ, aty jam dyijtubunyaꞌ yụ in, q̂uinꞌdyemꞌ raꞌ atsijban yụ.

Miꞌin na dyijtumac Jenꞌ, muꞌsiꞌ dyijyedyeꞌ cäc̣häꞌchubimac, meꞌ raꞌ muꞌ ayoꞌbuꞌyi miꞌindyes, chat qui raꞌ soꞌmac miꞌin räj jedyeꞌ chuc jemontiñes ọ́cheꞌ jaccheꞌ.

Chimeꞌdye Jesús jéyacsi muntyiꞌ in: —Jam raꞌ fer mạꞌjetiñeꞌ jacches jedyeꞌ miꞌin. Mọꞌ jacches jedyeꞌ meꞌ tsanꞌ daiꞌ meꞌchutiñeꞌ miꞌin, jam qui namꞌ mọꞌ maꞌjodyeꞌ soꞌminac miꞌin.

Tyi chuc jaccheꞌ dụriꞌñeꞌ jedyeꞌ in, mọꞌ mọmoꞌ muꞌin dyijtuvaꞌqueꞌ ĉojtyiꞌĉan muꞌin, muꞌin na mạyedyeꞌcheꞌ dụriꞌñeꞌtyiꞌ jedyeꞌ in, mọꞌ muꞌin dyijtuiꞌ in ĉojtyiꞌĉan muꞌin.

Chimeꞌdye miꞌin, meꞌ tsanꞌ fer dyijyiyaꞌ miꞌin, mijam qui namꞌ junꞌ ñutsjeyaqui sänꞌdyeꞌ miꞌin, paj tsanꞌ yiris hora tsạꞌ buꞌyetaquiyaꞌ miꞌin.

Jesús jéyacsi jịꞌchiyactyiꞌ muꞌ: —Jam raꞌ cajotyetiñeꞌ miꞌin jedyeꞌ chuc raꞌ jebetiñeꞌ tsạꞌ buꞌyedyes miꞌin, mijam raꞌ dyijtutinte quịꞌsiꞌ miꞌin jedyeꞌĉan chuc raꞌ cofjibun miꞌin.

Mọꞌdyes jam raꞌ noiꞌyi miꞌin, dadamꞌ muꞌ mujuꞌchaꞌ ạ̈räjjinac miꞌin, jam jeñej jaijtyiꞌ in, ọyaꞌyaꞌ maꞌjotacsi. Jämꞌ dyijtunac, paj tsanꞌ fin miꞌin joꞌnoꞌches, muꞌ räj chäyibunac juñucsiꞌ chuc mọꞌyaꞌ fin miꞌin.

Jam raꞌ noiꞌyi miꞌin yụs oveca miꞌin, meꞌ tsanꞌ jam daiꞌ miꞌin, ĉụiꞌsiꞌyaꞌ dyijyedyeꞌ muꞌ, muꞌ Jenꞌ aty rụij yuꞌtyinac paj qui muꞌyadyety miꞌin ayoꞌbuꞌyedyeꞌĉandyety raꞌ muꞌ.

Cạvacsejamꞌ jaijtyiꞌ in, jam junꞌ yiriꞌ cätiꞌ in mijam vädaĉan in, mijam jämꞌ yụꞌtaquiꞌ acaꞌĉan säcsedyeꞌ mọꞌin. Muꞌ qui namꞌ Jenꞌ mạyedyeꞌchety räjĉan jiꞌsäcsacsi. Dadamꞌ miꞌin mujuꞌchaꞌ muꞌ mạꞌjinac miꞌin, jam jeñej mọꞌin jaijtyiꞌ in.

Mọꞌdyes jam raꞌ cajotyiti miꞌin mijam raꞌ dyijtutiñeꞌ jedyeꞌ chuc raꞌ jebetiñeꞌ säcsedyeꞌ

Muꞌ Jenꞌ meꞌ jịꞌquiiꞌ mọꞌ däräꞌ, jam men meꞌ buꞌyis, cavin jiꞌcoꞌshayac jornoĉan, dadamꞌ raꞌ miꞌin mujuꞌchaꞌ jämꞌ jiꞌquinac muꞌ Jenꞌ, meꞌ tsanꞌ damꞌ mọmoꞌ anicjetinte miꞌin, muꞌ qui namꞌ ĉujcanac miꞌin.

Jeshaꞌ mọꞌ jujmus q̂uinꞌ in jäquiꞌve raꞌ räj jorojĉanyiꞌ in, räj jijmuꞌsacsiꞌ q̂uinꞌ in jäquiꞌve raꞌ räj chị́yac in.