Popular Bible Verses from Marcos 12

Share

Jesús vorjete: —Mọjoꞌchas yụꞌtacdyeꞌ yiꞌ: "Miꞌin Israeltyiꞌ vóshiꞌ miꞌin, seꞌvaĉamꞌ ọij: "Muꞌ Jenꞌ Ayoꞌ tsun, mumꞌ yirity Ayoꞌ, itŝij yoctyiꞌ muꞌyaꞌ. Mạꞌjemac fer muꞌ Jenꞌ Ayoꞌ miꞌin, räj ĉojtyiꞌ miꞌin, judyeyaꞌ ạꞌedyeꞌ miꞌin, judyeyaꞌ dyijyedyeꞌ miꞌin, judyeyaꞌ ferdyeꞌ miꞌin." Yocsiꞌ yụꞌtacdyeꞌ yiꞌ: "Mạꞌjeyacsejamꞌ fer chätidyeꞌ miꞌin, yojdyemꞌ ĉụiꞌ mạꞌjiti u miꞌin." Ọij mọjoꞌchas yụꞌtacdyeꞌ Jenꞌsiꞌ muꞌ, jam jeñej yocsiꞌ in —jajiti Jesús.

Jesús fayaqui jịꞌchiyactyiꞌ muꞌ jéyaqui: —Yụ q̂uinꞌ jéyac, ọij ñịbes p̂en anic mọꞌ mọjoꞌchamꞌ yụꞌte querec̣ha, meꞌ buꞌyi shupqui muꞌ, yoctyiꞌ jam meꞌ in, uyaꞌyaꞌ muꞌin in, ĉaĉaij na muꞌin in jiꞌshucdyity querec̣ha yụꞌte in. Mọꞌ na jam meꞌ, meꞌ tsanꞌ anic jiyiꞌ ñịbes mọꞌ, tasdye qui namꞌ yụꞌte tsạꞌ buꞌyedyety mọꞌ —jéyacsi Jesús.

Jesús bäꞌyi Jenꞌsiꞌĉan acaꞌ muꞌ, quic̣henꞌ buꞌyi yụꞌtaquisyaꞌ querec̣ha Jenꞌdyety, cạvacsevaꞌjoij muꞌin yụꞌtety querec̣ha in. Daiꞌ muꞌyaꞌ jedyeꞌtumtyiꞌ muntyiꞌ in anic daiꞌyaij yụꞌte querec̣ha in. Ayij yiris p̂en muñes anic ñịbes mọꞌ. Chimeꞌdyemꞌ yụꞌte querec̣ha, päräꞌ mọmoꞌ ficha yụꞌte anic uyaꞌyaty in, jam yaꞌiyaijtyiꞌ muꞌ.

chimeꞌdye mọjoꞌchaꞌ jemonac mạꞌjeyacdyes Jenꞌ, räj ĉojtyiꞌ tsun, judyeyaꞌ dyijyedyeꞌĉan tsun judyeyaꞌ ferdyeꞌ tsun, judyeyaꞌ chimeꞌ jemonac mạꞌjeyacdyes fer chätidyeꞌ tsun, yojdyemꞌ ĉụiꞌ mạꞌjitiĉaꞌ u. Meꞌ mọjoꞌchaꞌ jemonac, ọyaꞌyaꞌ jiꞌcoꞌshayejaꞌ Jenꞌdyes.

Jesús qui jéyacsi: —Anicdye meꞌ, mọꞌdyes soꞌmemac jacchety ayoꞌ jedyeꞌ chuc muꞌdyes mọꞌyaꞌ, chimeꞌdye soꞌmemac muꞌ Jenꞌ jedyeꞌ chuc muꞌdyes mọꞌyaꞌ. Muꞌin aty seꞌvepteyaꞌ p̂eyacdyeꞌ in anic äjjepte tsanꞌ in.