Popular Bible Verses from Mae Khuru 4

Share

Mae Jisas ngala te tangomana te mala fakarhi ghita na. Naugna God neke theome kuru meini kaisei nangha delei ka nauthoglu gne te mala fakarhi ghita na.”

Ke leghugna te tarai mare na, u suga te khapru te tarai teu mare na megei nga ne nghali. Eghuteuna mae Tharunga te Blahi na ne soru mei ka mare. Ke leghugna igne, mare ne theome mhaghu te toutonuni u chekegna God na.

Gognaro gne, Lord, nomhidi nodi cheke famamhaghu mae igre! Lord, ghehati nou mae gloku iagho. Tusu mei ranghi ghami u nolaghi te mala theome mhaghuni ghehati toutonu gna chekemu iagho na.

Eghuteuna u grioriso te blahi na ne cheke eghu eigna mae Jisas, “ ‘U thina teke tiromi ni ghotilo mae iheire te hohoro suga na, kela kegra haghe kaisei thina ulu fara ka suga na.’

Hatimare mae biꞌo re ne jaglo nodi kate filodi mae Pita ghe mae Jone te theome mhaghu kate cheke ke uludi mare na. Mare lasedi phei mae igre neke theome tei sikoluni u glalase na, phiamare au kolho ka namono. Nu kate filoni te theome mhaghu phei mae igre na, mare neke ghatho fapuloni phei mae igre neke tei tafri balugna mae Jisas.

Naikno te fatutuani ni mae Jisas re ne kaisei nagnafa ngala nei kaisei gaoghatho ngala. Theo kaisei naikno te chekeni ne khotogna thegna ngala kaisei glepo teuna. Nu mare tufa gobigna lepore.