Popular Bible Verses from Jenesis 27

Share

Iara toreni God mala snakre mei nakhete ka maloa gne mala soru mei mala fabuabublani u glose gne mala bruara gano mana ka nou nagare iagho gre. Iagho ginauna na kmana gheu wit nei waen. Naikno te gnafa ka namono igre ginauna mala loku ranghi nigho iagho, nei mala ghatho tahu nigho iagho. Iagho ginauna mala nodi funei hatimare mae thabusimu iagho gre. Vikegna idomu iagho gre ginauna mala ghatho tahu nigho iagho. Iheire te tibri nigho iagho re, God ginauna nake tibridi. Eghuteuna iheire te fablahi nigho iagho re, God ginauna nake fablahidi.”

Mae Iso ne cheke eghu, “Igne fapea fata te chaghi ghau iara mana te kegra tughu ghau iara na. Eghume nangha Jekop teu igne thofno horoghoto fara ngala ka mana eghu, naugna gaoghathogna Jekop teu igne, ‘Mae chaichaghi’ eghu. Ido neke kulu fakarhi ghau iara, nu mae Jekop la kegra tughu ghauhi iara. Eghuteuna gognaro gne mana la hata fadeleihi nogu fablahi iara na eghu. Unha eghu mama, theo hila kaisei fablahi te sala'ui teu te malagu iara na?”

Mae Isak ne cheke eghu ka mana, “Iagho ginauna na tei au fakhaba ka glose te keli te mala karha gna gano na. Eghuteuna nakhete na ginauna na theome soru ka nou nagare iagho re eghu. Iagho ginauna mala magra ka naflahi malagna te tangomana iagho te tei deni gano ba vido aheva te keli te mala au na. Eghuteuna iagho ginauna mae mala loku ranghini kolho mae tahimu na. Nu kate kegra heta fabrahu iagho kate leghuni mana na, iagho ginauna na snagla nou ka mana, eghuteuna ke leghugna igne mana ginauna na theome tangomana teke funei fruni nigho iagho na eghu.”

Nu mae Iso ne ghusna eghu ka mae kmagna na, “Ba, mama, neke kaisei fablahi kolho ngala si teke au ka iagho na ia? Mama, iagho toreni God mala fablahi ghaula iara!” Mae Iso ne cheke eghu ne tanhi fabiꞌo.