Popular Bible Verses from Jone 19

Share

Mae Jisas ne gnaignami waen te raha tuana ne cheke eghu, “La gnafahi!” Mana pogho soru pha'u na ne lehe.

Ke leghugna igne, mae Jisas la lasenihi nogna gloku na la gnafahi. Te mala horoghoto kau grioriso te blahi na mana ne cheke eghu, “Iara roi koꞌu.”

Mae Jisas ne filoni idogna na. Mana jaola ne filoni nogna mae fanomho te namhani fara mana kegra teu jare na. Mana ne cheke eghu ka idogna na, “Naikno biꞌo, filoni mae ana, ghathoni mana jateula mae thumu eghu.” Aonu mana neke cheke eghu ka nogna mae fanomho tuana, “Filoni thau ana, ghathoni naꞌa jateula idomu eghu.” Funu ka narane tuana, mae fanomho igne ne tathalei idogna mae Jisas na ne tei ka sugagna na ne tajini.

Eghuteuna, kate mei mare ka mae Jisas na, mana la kulu lehehi. Mare ne theome lolhopa phia ghahegna mana re. Kaisei mae soldia ne jajaꞌi fei gagarogna mae Jisas na ka grojo. Aonu dadara balu khoꞌu ne thofa soru ka thinigna mana na.

Gobigna lepo te edi igre ne horoghoto ka grioriso te blahi na, “Theo kaisei nhubragna mana te lolhopa mare na.” Eghuteuna, keha grioriso te blahi na cheke eghu, “Naiknore ginauna filoni mae teke jajaꞌi mare na.”

Jisas pala nogna gaju fafatha thegna na ne jifla ka namono biꞌo na ne tei ka thogele te kiloi “Khorongosa”, ka cheke Hibru na “Golgota”.

Ke leghugna igne, mae soldiare ne lolhopo kaisei khepi fifiriulu ne nhaꞌa lao ka pha'ugna mae Jisas na. Eghuteuna, mare ne fapoko lao kaisei nogna phoko ukru king ka mana mala maꞌeni mana.