Popular Bible Verses from Luku 6

Share

Tufa nodi keha naikno are, mala ke tufa nomi God ginauna eghu. Uve, God ginauna tufa glepo ka ghotilo, jateula kaisei mae te famane fafofodu kaisei khara'o ia eghu, kate fodu khara'o na mana na kaokagno nei huta fapari eghu mala fodu salaꞌui. Eghume nafnata puhi te tufa glepo ghotilo ka keha naiknore igne, God ginauna na jaola tufa fapulo glepo ka ghotilo.”

Jateula igne eghu, naikno te keli na, mana fodu ka gaoghatho te keli ka nagnafagna na. Mana edi koba glepo te kelire. Nu naikno te diꞌa na fodu ka gaoghatho te diꞌa ka nagnafa gna na, mana edi koba glepo te diꞌare. Naugna glepo te diꞌare te fodu ka nagnafagna mana tuare ngala te jifla mei ka chekegna mana re.”

“Nu ghotilo namhadi nomi naokare, nei lolokeli ranghidi. Ghotilo tufa glepo ka keha naikno are, eghuteuna thosei ghathoni nake tughu fapulo mare teuna. Te eghu ghotilo na, God ginauna na taba fabiꞌo ghami ghotilo, naugna puhimi ghotilo re ginauna gaglana fara te goro thugna God ghotilo na. Naugna God na toghodi fabrahu iheire te theome ghatho tahuni mana, nei iheire te diꞌa fara.

Ghotilo lolokeli nei kokhonidi eghu naikno te gnafare jateula mae Kmami ghotilo te au kligna te lolokeli nei kokhonidi teu naikno te gnafare.”

Mae Jisas ne cheke eghu, “Thosei fateni ihei, na eghunu ke fate ghami God eghu. Thosei fathoroni ihei na, na eghunu ke fathoro ghami God eghu. Eghuteuna ghotilo hata fadelei nakhibodi keha naiknore mala nu ke hata fadelei langau God nakhibomire eghu.

Mae Jisas ne cheke eghu, “Nu te chekeni iara ka ghotilo te fanomho ka iara gre na. Ghotilo namhadi nomi naoka re. Eghuteuna famane fofodu ka iheire te susuku ghami re. Eghuteuna ghotilo fablahidi iheire te cheke fadiꞌa ghami are, nei taraidi naikno te lalama ghami are eghu.

Unha ghotilo te magnahagheni keha naiknore te eni ranghi ghami na, ghotilo ke enila tuana ranghidi eghu.

Mae ihei te taponi bakomu iagho na, thosei lhotini nu snakre lao keha phile na ka mana mala ke tathapo mana eghu. Eghuteuna mae ihei te hata nou pohe na, iagho ke snakre lao keha nou phoko na ka mana mala ke hata mana. Mae ihei te tore glepo ka iagho na, iagho toghoni mana. Eghuteuna mae ihei te hata kaisei nou glepo iagho na, thosei ke toreni iagho mala ke hata fapulo mana ka iagho.

Mae Jisas ne cheke eghu, “Gaju te keli na theome tangomana te ure sisi te diꞌa na. Jaola gaju te diꞌa na theome tangomana te ure sisi te keli na.

Tutuani, gaju te gnafare tahati kafe filo glanidi kau sisidire. Tahati theome tangomana te filodi sisi khoilo ghe sisi khebu te ure phono na.