Popular Bible Verses from Lukàrzɛ̀ 11

Share

Hwatò hwa wòhwe nàa inyɔ è ŋgbà tɛ hwàànà hwa anyu hwema hwe gbamù, ŋgèlì iti nà Tatɛ̀ wà ànyu ema a hwèlì ò ŋmanyu yà Lohwà. Nɛ a rzà ŋgbà Èlìŋgɛ̀ yà Wòtani ò hwatò ema hwa mò ijòwi e?”

Nà è òhweyà nanù ema, “Ijòwa Lohwɛ̀, a ò ŋgbà. O arze, Lohwɛ̀ a gbeyà ò e ɛnɛ, ò kumbe lìyòhva, Lohwɛ̀ ò e lìhvòweya e lɔ.

Èhwanja tɔ̀ njɛnɛ ema a ijòwi Lohwɛ̀, à è lùwà. Òŋgò hvɛ ema à àrza yòma, à è ɛnɛ̀. È mɔ̀ hvɛ ema à kùmbi lìyòhva, Lohwɛ̀ à mò lìhvòweyà è lɔ.

Yerzù à mà hwa òhweyà nanù ema, “È àrzà tɛ lì kanɛ̀ e òhwe nanù èma, ‘Ìi Tatɛ̀, inyɛ lìinà la aŋgɔ̀ lì lòkɛ̀hwɛ̀. Inyɛ̀ lìkànèyà la aŋgɔ̀ lì jèe.

O jò làkìrzɛ̀ wòhwe wò arzu, nà òmà irzɔ hvɛ ì làkìrzɛ̀ wòhwe wò hwaŋga ema hwa jò gbeyànà wòhwe, O rzì emeyà nanù ema, ì kpèeyà ò màkèkìrzɛ̀nɛ̀.’”

O jò ŋgbe lì làa la arzu la wùnyà tɛ.

Mììrzɔ̀ ma aŋgɔ̀ ma hwèlì ndi nàa ètùlù ya è nyò yà aŋgɔ̀. Mììrzɔ̀ ma aŋgɔ̀ ma hwèlì tɛ gbamù, è nyò yà aŋgɔ̀ ya àrzɛ è òndà na ŋmàye. Mììrzɔ̀ ma aŋgɔ ma rzà ɛnɛ tɛ, è nyò yà aŋgɔ̀ ya àrzɛ è òndà jìtìtì.

“Mòtò à rza tanɛ̀ lì hvààlɛ̀ ètùlù rzìi a e uta, tɔ̀ lì e utà ò rze ya èwòkì. À e ikà ndi ò mbòkò ema ètùlù e tɛ̀mɛ̀ ò lì arza nanù ema tɔ̀ njɛnɛ ema a kpèeyà ò ndawò, a ɛnɛ ŋmàye mò èŋge ètùlù.