Popular Bible Verses from Lukàrzɛ̀ 3

Share

Nà òmà Yòwanìrzɛ̀ à mà lùhwìrzɛ̀ hwatò hwa arzɛ, Yerzù mɔ̀ hvɛ, à mà jà ema a mò lùhwìrzɛ̀. Nà òmà Yerzù a mà lùhwìrzɛ̀hwɛ̀, rzìi a kanɛ̀. Nà òmà a mà hwɛ ò lì kanɛ̀, è ŋmanyu è mà lìhvòweya. Èlìŋgɛ̀ yà Wòtani rzìi e uhweyà ò ŋmanyu lì ayèkɛnɛ̀ nàa mbèŋgà rzì e rzìhwà, e mò tɛ̀mɛ̀ ò mòhvò. Rzìi lìlò lì uwɛ̀lɛ̀lɛ̀ ò ŋmanyu yà lohwà lì òhwa nanù ema, “O wà ndì ò hwèlì è Ŋmanà wa amì wà ndìŋgɛ ya màlìŋgò, nà òki mɔ̀nyɛ̀ŋgì nà ò wa rzayì-rzayì.”

Yòwanìrzɛ̀ rzìi à hwa alàhwɛ̀ hwa arzɛ nanù ema, “Nà è lùhwìrzɛ̀ naŋgɛ nà màlìhwa, ndi òŋgò ema à kàrzàmi lì nò aka à ò jà, ema nà rzà ukì hvɛ tɔ̀ òŋgò ema à tànɛyì lì wùnduwa mèèrzìŋgà mè hwètàmbì hwe eni. Mɔ̀ à è ò lùhwìrzɛ̀ ndi nà Èlìŋgɛ̀ yà Wòtani nà mùnya.

Inyɔ e ɛndɛ e gbèèye hweyà ema hwe uŋmɛ̀lɛ̀ nanù ema e ma rzɔnjɛ̀lɛ̀ wòhwe wò anyu, rzèketɛ ò lì òhwà ò mèèmà me anyu nanù ema, ‘Ì hwèlì ndi hwàànà hwà mà Abràhamù, ò eŋgànɛ̀lɛ̀ ì rza tànɛ̀yi lì kɔ̀kìrzɛ̀hwɛ.’ Ndi nà è òhweyà ema Lohwɛ̀ à tanɛyi lì gbeyàna manù màŋyàyi ò lì ma gbeyà emà mà hwɛ hwàanà hwa ama Abràhamù.

Nàŋgɛ yòòndò e ma màà lì naŋga ò meyaŋga me màyi. O èŋgànɛ̀lɛ̀ tɔ̀ ima gbèe ema wò rza ŋyàayi hwehvùma hwe gbamù, wò hwɛnì lì kɛ̀ɛ̀hwɛ̀ lì hvimbahwa ò mùnya.”

Ènè eyà ndi è òndìrzɛ̀, mamɛ è tìlàhwì ò kaàtì yà hweyà hwe ama è Mòòhwèlì wà èlìŋgɛ̀ Àyìrzayà, nanù ema, “Mòrzeya mò mà hweyàhwà ò mòrzanjɛ̀ nanù ema, È rzèkeyà hwèjèelì hwe ama è Rzàŋgò. È tɛnɛ̀nɛ̀ ì njìya ja hweyàkèlì hwe eni. Ìnyɔ è òndìrzɛ̀ ì wàŋga ja àrzɛ. Ì hvàko nà meyòlì mè àrzɛ mè rzìhwìrzɛ̀hwɛ̀ hwɛ̀tɛhwɛtɛ. Ì njìya jè eŋgàmi ì tɛ̀nɛ̀nɛ̀hwɛ̀. È jɔ̀ ja kpàkpàtè hvɛ ì jììrzɛ̀hwɛ̀ tàlìì. Àŋga ndi è mòtò wà àrzɛ à ɛnɛ nà òmà Lohwɛ̀ a òŋgìrzɛ hwatò hwa eni.”