Popular Bible Verses from Eyɔɔ 15

Share

Mmɛ na azɔd, mbɔn mwɔ atɔ azɔd. Abɔ byɛ e mwɔ nè mmɛ ngɛ, mmɛ gɛrɛ we mwɔ nè angɔ, e ba ngo kla enta azɔd akɛkɛ, mbɔʼnga mbɔn ke né le ebwa deʼ ene egha ndzɔn bo.

Mbɔn mwɔ ene ebwa ŋwaʼ nè mmɛ, shi mmɛ gɛrɛ mwɔ ene ebwa ŋwaʼ nè mbɔn. Tsɛ̀ʼ etɔ azɔd deʼ e ma kla enta ene egha mɔ yɛ a ne me gli ekwa azɔd ngɛ bo. Éngɛ mbɔn ke né kla enta wɛ mbɔn ne mwɔ ene ega ŋwaʼ nè mmɛ ngɛ bo.

Mala mbɔn tye nè mmɛ, ega ngu gɛrɛ tye nè mbɔn, shi mbɔn ba ngo le ala yɛ mbɔn ma biiri ngɛ.

Ke mwɔ mbɔn à chi angu bo, bɛʼngɛ na mmɛ à chidi angɔn. Mmɛ à chidi angɔn kpe mbɔn ngɔɔ kla enta. Enta byɛ e ma ngo tsɔmɔ akyɛ gimkpaʼ ngɛ, mbɔʼtye ala yɛ mbɔn ma biiri ene ekumu ngu ngɛ, àtɛ wa ndɛʼ endɔn.

Tsɛ̀ʼ edoʼ deʼ e me fɔɔ ezɔnɔ bo, kpe ebe gho deʼ é ndɛʼ ato mɔ egha esɔrɔ mɔ.

Engɔ wa gɔ̀ŋɔ atɔ azɔd yɛ a mwɔ ekwa ngu ne ma kla enta bo ngɛ à wàʼa. Engɔ wa klɔ̀dɔ̀ atɔ azɔd angɔ yɛ a ma kla enta ngɛ é le kpe e kla enta akɛkɛ.

Etɛʼɛ ndza ne ga kpe, doʼ ghongwa ngwɛ na aŋu mmɛ me doʼo awɛ ngɛ.

Ewunɔ wa ndɛʼ eghɔ ebe àtɛ ngu. Mala mbɔn kla enta akɛkɛ, shi mbɔn na bɔ bɛɛrɛ abwa mbu éŋwaʼa.

Yeso gâ kpe, “Mmɛ na azɔd vana mɔmbwo, Àtɛ ngu mwɔ angwa ene eke wɛ.

Mala gho deʼ ne tsɔmɔ ene ebwa ŋwaʼ nè mmɛ bo, shi engɔ ne mwɔ na etɔ azɔd wɛ a shi zɔmɔ, e ne le ebwa deʼ é fwɛʼ anyi bo nɔ. E ba shùru atɔ azɔd zɔnɔ è twɔrɔ.

Mmɛ à shi tòʼro abwa zɔnɔ endɔn mbɔʼtye egɛnɛ ndza mwɔ nè mbɔn shi mbɔn gɛrɛ gɛnɛ angɔn mɛ̀ɛrɛ̀.

Mala mbɔn shi etsɛrɛ ndza shi mbɔn ba ngo tyè ene edoʼ ndza, nkirinkin aŋu mmɛ à shi etsɛrɛ àtɛ ngu gɛ̀rɛ̀ shi tye ene edoʼ nè engɔ ngɛ.

Etsɛrɛ ndza ne ga kpe mbɔn doʼ egho wɛ.

Mala mbɔn mwɔ nè bɔ efwɔ ese, shi e ba ngo doʼ angɔn na bɔ àmɔ̀ nɔ. Mbɔn ke bli ene egha bɔ efwɔ ese bo, bɛʼngɛ mmɛ a shi pwɔ̀nɔ angɔn chidi efwɔ ese, ne ǹji yɛ ese ma gwè angɔn ngɛ.