Popular Bible Verses from Lukas 3

Share

Ambə ghə̂ adzəm a ney kɔʼ mmuu n Kəzə̀ mə, Yeso n bə soʼo ni bə ney mmuu n Kəzə̀. Nghee tə Yeso ney kɔʼnə mmuu n Kəzə̀ mə, tə n kaʼ ndòw ni gɔŋŋə. Ambə tə gɔŋŋənə, bikighow kə n chi tsu, Zay kə Zow kə n tsu bə n kow wi n wû u kəfə̀, dzə̀ i loʼ zə n ghɔɔmə tsu bə idəŋ dza, “wə̀ loʼ waa wùŋ u tsuʼu wə, n ngii duʼlənu ghi wɔ.”

Jɔn n beeli ndòw ghə adzəm dza, “mə, n fuu ghaa n Mmuu n Kəzə̀ mə nə n mmuu, wù loʼ bəghənu, tə tsə̀ghə̀shinə mə. N ka buʼ kɔʼ kpii dzə ni zii baʼ u təgow u wi. Tə i bəghə fuu ghaa n Mmuu n Kəzə̀ mə n daʼa kə Zay kə Zow kə nsə nə uvəllə.

Mə̂ bə na tam u dzuŋu wə ni dii nə̀ ghaa n kùm kwey fə̀ŋ tə ghaa tə. Kə ghaa nə dzanə n wû i ghaa nə̀, ‘Abraham loʼ bày ghey u wey wə.’ Təŋkey n kûm dza bə tə̀ ghaa nə̀ Zə̀ kə loʼ ni buʼ fəd tay ghən tə̀ a doʼo waa ghə Abraham.

Fôw i loʼ tən n key i fəkaʼ. Abə kaʼ fə məə way tam u dzuŋu wə, ghə i fùŋ maʼa, ghə maʼa ndòw nə uvəllə.”

Ghəə ghən ghə â shi ighələ tə i loʼnə n maʼlə Ayzaya, wù tûm Kəzə̀ nə̀, “dzə̀ shiə bə n mvənə ntsaŋ dza, ‘bayyə naŋa tsu jii tə Bày, ghəŋə tsu na jii tə wi tə i doʼo tsətsəghə. Wad tə nə gəmmə iwû. Təkaʼa nsə nguʼu wə, u nə naŋŋə. Ngɔli u tə jii u nə naalə doʼo bə tsətsəghə, jii tə bəbə tə i kɔŋi soʼo iwû, sey ghə̂ a mbi adzəm i koʼ nghee tə Zə̀ kə bəghəshiənə ghə̂ ghə tii.’”