Popular Bible Verses from Jáaŋ 17

Share

Lɛ ndɔ̄k ashuŋne jú, páʼ á si ŋgɔ́ anuúnē lā, ŋ́ghʉ̄ pɔ́ ecʉ́ʼ epuɔ pú tɛ ntsékne. Ashuŋne jú á si ŋgɔ́ anuúnē.

Lefū ntā á lezēŋ Ndém, á gɔ́ á lezhɛ̄ wu, á wú, ndaʼ kwaʼ Ndém, ńzéŋ nzhɛ́ á ŋiŋ yīi, o le tó á yí á ŋgɔŋ ega, á gá Yɛɛ́so Klísto.

«Meŋ te ndɛ̄ eswíŋtɛ á wú, ánɛ athū zɔ́p ndaʼ á. Meŋ zéŋɛ eswíŋtɛ á wú, tɛ mbɔɔ ánɛ athū epuɔ pīi, pɔ́ e shʉʼ efhó ánɛ ashuŋne zɔ́p, éfɛ́ nnɛ̄t eyá mé meŋ. Meŋ swíŋtɛ á wú ŋ́gɛ, o elɛ̄ ŋghʉ̄, pɔ́ metsem e egɔ́ á taʼ, ńdeŋ ndeŋ páʼ wu Mɔʼɔ́ ga, o ó ntē nnɛ̄t meŋ, meŋ gɔ́ á ntē nnɛ̄t wu lā. Ŋ́gɛ pɔ́p azɔ́p, e egɔ́ á ntē nnɛ̄t pɔkɔ, tɛ́ epuɔ menɔŋ e ejʉ́ɔ épúp, ńzhɛ́ á légɛ, wu mé le tó á gá á ŋgɔŋ ega.

Meŋ te ndʉ́ɛ́ ŋ́gɛ, o efhó á ŋgɔŋ ega efók á wɔ́p ɔ́. Táʼ, ŋ́ké ŋ́gɛ o ekʉ̄ŋɛ á wɔ́p, ánɛ Efɔ menu tepɔŋ.

Ŋ́gɔ́ mé meŋ, mbɔ shʉ́shɔ́k yīi, o ke yá me meŋ, meŋ ke yá á mbū pɔ́p. Tɛ́ pɔ́ elɔk ŋgɔ́ á taʼ, ńdeŋ ndeŋ páʼ pɔkɔ é si ŋgɔ́ á taʼ lā. Meŋ ŋgɔ́ á ntē nnɛ̄t pɔ́p, ńdeŋ ndeŋ páʼ, o ó ntē nnɛ̄t meŋ, tɛ́ pɔ́ elɔk ŋgɔ́ á taʼ nchu tɛ ntsékne. Púp, epuɔ ŋgɔŋ e ejʉ́ɔ, ńzhɛ́ á légɛ, wu mé le tó á gá á ŋgɔŋ, ńzhɛ́ á légɛ, o kɔɔ̄ŋ á wɔ́p, ńdeŋ ndeŋ páʼ o kɔɔ̄ŋ á gá lā.