Popular Bible Verses from 2 Corintios 5

Share

Jun, we o chik che i Cristo, ke'el uri k'ak' laj winaq chik. I taq re ujer xukanaj kanoq; ronojel is k'ak' chik.

I Cristo nti umak xu'ano; xwiri i Dios xu'an jun ajmak che rumal i qamak yoj, we xqajach qib' che i Cristo, are uri i Dios ku'an chqe chi nti chik qamak, rumal i Cristo.

Tupu kqil ti uwach xwiri lik kqakub'a qak'ux che.

Ronojel ile, are i Dios k-anaw chqe. U'anom chqe, chi rumal i Cristo qachomarsam qib' ru'. Xaq xuya i chak chqaqul chi kqato konojel i winaq chkichomarsaxik kib' ru' ire. Kqab'ij chke chi i Dios o che i Cristo, are o chwach i jyub' ta'aj lik xutzukuj uchomaxik kib' i winaq ru' i Dios. Xaq kuya ti kimak i winaq puk'ux; man oj utaqom yoj chub'ixkil ile chke i winaq.

Rumali yoj, chi oj utaqon i Cristo, oj pacha uk'exel ire chiwach yix. Ni'pa i kqab'ij ke'el chiwe pacha are i Dios klapan iwu'. Rumal uri, wo'or puk'exel i Cristo, kqab'ij chiwe: Chichomaj iwib' ru' i Dios.

I Cristo xkam pqak'exel qonojel, man ni'pa i je k'as rumal ukamik Ire, kki'an ti chik pacha i to' kkaj ike. Are i kki'ano, pacha kraj i jun chi xkamik xaq xwalij chkixol i kamnaq tob'al ke. Yoj wo'or, are kqa'at tzij che u'ij jun winaq, kqa'an ti chik pacha kki'an i to' je re uwach i jyub' ta'aj. Qatzij, yoj ujer xqa'at tzij che u'ij i Cristo pacha kki'an ike, xqakoj ti u'ij. Xwiri, wo'or qeta'am chik uwach, xaq qakojom u'ij.

Keje kqa'an ile, man kqaj u'anik pacha kraj i Cristo chqe, man lik nim i k'axnab'al uk'ux chqe. Qeta'am chi o jun xkam pqak'exel qonojel; xe'el uri chqe pacha xojkam yoj qonojel.