Kintz'onoj che chi kusaqirsaj ni inojb'al yix, anb'al re chiwe chi kita ni ub'e wach i utz kiwil ni yix chi ix sik'tal rumal i Dios. Kwaj kiwetamaj wach unimal, wach uchomal i uk'iyal utz chi kuya ni Dios chke i je re Ire. Xaq kwaj kiwetamaj ni'pa unimal i nim laj ucho'ab' i Dios; Ire ronojel is ktiki che. I nim laj ucho'ab' le, o chik qu' yoj chi oj kojonnaq chik che Ire. Lik are i ucho'ab' i Dios are xwalijsaw i Cristo che i kamik xaq xukub'a puwiqab'im Ire chila chikaj. Chila nim ni upatan chkiwach konojel i je o chikaj chi o kipatan: Ni'pa i ktaqanik, ni'pa i ke'ataw tzij, ni'pa i je kaj-atzil, xaq ni'pa i krajawinik. Are ire nim u'ij pkiwi konojel i ni'pa taq o ki'ij, xwi ti wo'or, xaq che taq i ij kk'unik.