Popular Bible Verses from G%E9nesis 22

Share

Rumali mam Abraham xuya pub'i i k'ijib'al le: “DIOS KYAWIK”, xaq k'a are kb'ix che “wo'or chi puwi i jyub' i Ajwal kuya'o wach i rajwaxik”.

I Dios xub'ij che: —Chak'ama b'i ak'ojol chi xa jun, chi xaq lik k'ax kana'o, jat chila che ulew Moriah, chila chaporoj wi pa re asipon puwi jun jyub' chi kinb'ij ni chawe.

I ángel xub'ij che: —Makamsaj i ala le xaq ma'an taq jun k'ax che, man wo'or weta'am chik chi lik kaxij awib' chwach Dios, man xaxuyaj ti ak'ojol che chi xa jun o awu' —xcha.

—Are uri mam Abraham xub'ij che uk'ojol: Wak'al, are i Dios kyaw i chij chi kqaporoj chwach Ire. Lik junam ru' rak'al ketijin che i b'e.

lik kinya ni utzil chomal pawi xaq lik keink'iyarsaj ni amuq axikin pacha uk'iyal i ch'umil chi o chwa taq kaj xaq pacha uk'iyal i seneb' chi o chi taq ya. Xaq i amuq axikin lik kekich'ak ni i je ajch'oj chkij. Kinya ni utzil chomal pkiwi konojel i winaq chwach i jyub' ta'aj kumal amuq axikin, man xatkojon chwe —keje ile xub'ij i Dios che mam Abraham.

X-on panoq i Dios xuk'am upam mam Abraham, xub'ij che: Mam Abraham, i mam Abraham le xub'ij: —In o chi, Ta.

Are ya kukamsaj te'eq uk'ojol chi a Isaac are uri jun ángel xsik'in li che chikaj, xub'ij: —¡Mam Abraham, mam Abraham! —In o chi, Ta —xub'ij mam Abraham.

I ángel xch'aw chali che mam Abraham, xub'ij che: I Ajwal kub'ij: —Man xaxuyaj ti ak'ojol chwe chi xa jun o awu', rumali kinya intzij chawe

Are xeupon che i jyub' ipa b'ital wi che rumal i Dios, i mam Abraham xuyijb'a jun sujb'al sipon xaq xutus i si' puwi, te'uri xuyut' uk'ojol chi a Isaac, xaq xuya an puwi i si' chi o chik puwi i sujb'al sipon le.