Popular Bible Verses from N%FAmeros 14

Share

Xwiri miqel i Ajwal, xaq mixij taq iwib' chke i winaq re i tinimit le, man ike le chqe yoj je keje pacha i lejom wa re trigo chi kqatijo; man ike mijun ketowik xwiri yoj o i Ajwal qu', are ire kojtowik, rumali mixij iwib' —xecha.

Man yet ab'im chi lik we' taj kpe awoywal, lik nim i k'axnab'al ak'ux, kakuy i mak atzalal xaq i qelanik, xwiri nti jun ajmak we kaya ti utojb'alil umak, lik kaya utojb'alil umak jun qajawxel, chke i rak'al, ri umam umuq uxikin xaq kak'al i umuq uxikin.

I Ajwal we kril tob'al qawach lik kojuto ni uri che i okik chwach i ulew le xaq kuya ni uri i ulew le chqe. Lik are jun tinimit chi lik o i leche xaq lik o uwa'al kab' chi lik kramtaj taj.

Xwi wajchak chi ma Caleb junwi uk'ux chkiwach i jub'an xaq lik kojonnaq chwe. Rumali xwi ire kinya che kok chila chwach ulew chi xupon chrilik xaq i je umuq uxikin kejeqi ni chila chwach ulew le

Jat chub'ixkil chke chi Yin in Ajwal, xinb'ij iri: “Lik pacha i xib'ij chwij Yin keje ile kik'ulmaj na.

I Ajwal xub'ij che ma Moisés: —¿K'a junpa kkimayij aj Israel ile chi kkiqajsaj in-ij? ¿K'a junpa kkimayij ile chi to' keb' kik'ux chwe, tupu kilom ni'pa i nimaq taq il chi in-anom chkixol?

xaq konojel k'ax xech'aw rij uwi ma Moisés xaq rij uwi ma Aarón xkib'ij: “¡Utz te'eq wetene su' xojkam kan chila pa Egipto xaq wetene su' xojkam kan pa taq tz'inilik jyub' chaqij!

Ma Josué chi uk'ojol ma Nun xaq ma Caleb chi uk'ojol ma Jefone, chi xeupon chrilik ulew, xkiraqch'ij ki'u' k'utb'al re kib'is, Are uri ike le xkib'ij chke konojel aj Israel: —¡I ulew chi xojupon chrilik, saq laj tzij lik utz laj ulew!

Xwiri Yin lik in k'aslik Dios xaq i in-ij inchomal unojsam ronojel uwach i jyub' ta'aj, rumali konojel i winaq chi kilom in-ij inchomal xaq ni'pa i nimaq taq il chi xin-an pa Egipto, ni'pa xin-an pa taq tz'inilik jyub' chaqij chi xaq k'iyalmul xkik'am inpam, xwi ta la ile, xaq xekojon ti chwe. Mijun chke ike le kekila taq uwach ulew chi insujum chke i katit kimam xaq mijun chke ni'pa xkiqajsaj in-ij kekila taq uwach.