Popular Bible Verses from N%FAmeros 22

Share

Are uri i Dios xu'an che i axna chi xch'aw anoq, rumali xub'ij che ma Balaam: —¿Wach in-anom chawe? Man are oxmul iri chi kinach'ayo.

Are uri i Ajwal xu'an che ma Balaam chi xril pan uwach i ángel re i Ajwal, chi tak'al punik'ajal i b'e rok'am uch'ich' pu'ab', are uri ma Balaam le xxuki'ik, xuqajsaj upalaj k'a chwach ulew.

Xwiri i ángel re i Ajwal xub'ij che: —¿B'uchak chi xach'ay oxmul a'axna? Man Yin kintijin chu'atixik ab'e xaq kinya ti chawe chi katik'awik, man ipa kat-e wi le, lik utz taj.

Xwiri i axna xub'ij che ma Balaam: —Yin in axna chi lik ax kat-an wi chwij xaq aweta'am chi mijuyak inyo'yam a'ij. I ma Balaam xub'ij che: Lik saq laj tzij i xab'ij le.

I ma Balaam xula' uwach che i axna: —Yet kattijin chinyo'yaxik. ¡Wetene o jun ch'ich' chi o uware k'ulala pin-ab', su' wo'or katinkamsaj!

I axna are xril uwach i ángel re i Ajwal, xpuyi qaj pulew, are uri ma Balaam lik xpe jun nim laj roywal, xok chik chujikik ulo'xik i axna ru' jun xik'ay.