Popular Bible Verses from YAM JAH 3

Share

Yam yaox pui bun ka plix khaox an, mawh pa mhawm son pa ih mai koe grang pa nyawm ti jhak ka ngai tix, grawng simie nawh plix khaox an, tawx krax tawng yung ka tix, nawh tom teei ti ih plix khaox an mai nawh tawx ka mex tix ih heue.

Siuing mawh pa nie lhak khaing can totiag kuceu piang haktiex pa hoik phan Simiang Siyiex. Siuing ah nin ka sibun, “Siyiex hoik ah ka pax sonsang ang pax ih plix khaox kuceu pa koe daux sipeem tete lie?”

Aux tak kieh pa koeng koe sinax maix mai pui sibun, doeh ru maix mai doeh ru sibun, nawh tak dig kaing maix khlaix mai maix tak mat yuh loek caong nawh heue.”

Nawh Cao ah nin ka bun, “Aux tak sang nie blon tawx krax kha rhawm ka maix ka daux pa keh maix kawn tix maix tak lo ka mex tix mai nawh tak sang kwang piang maix heue.”

Maix tak lih rawm lah rawm lee, son sang pon maix ti ih priex preem mai deeh ing ka phawng tiex heue. Grawh grawng nawh maix hoik mawh pa yuh Aux khaing phawng tiex mai tak deeh ing ka phawng tiex heue.”

Khaix an Nawh Cao ah nin ka pui simex, “Mawh kheu nghiet maix ka lox moeng tix mai ih plix khaox pa tawm Aux maix ang ih, haktiex tak mawh pa jhax lawg kheu maix, maix tak yaox ti ih khaing nawh ka daux pa kha rhawm tix, tom sidah ju tix heue.

Nawh Cao deeh ah nin, “Mawh mawx pa krai pax ang koe kraung ceep lie? hoik ih pax plix khaox pa ang Aux kieh pax ih lie?”

Nawh Cao grheu kiex lih khaing tan mai Nawh Cao deeh deuh Cherubin plak lih singaix sipeem Eden mai tawx vaid ngu sah pa lawm ka nawh, sonsang pau krax ku krax, son daux krax pa hu ka khaox im ju an heue.

Pui simex kok ceu kaux moeng tix mawh Evax, kheu mawh nawh miex kawn pui pa im ju heue.