Popular Bible Verses from यहुन्ना 3

Share

“केईनी कि परमेश्वरै संसारेरै मैहणुवां सिंउ यौउता प्रेम केया कि तेनी अपड़ा इकलौता पुत्र तेन्हैरै तेईनी बलिदान करि दित्ता, ताकि हर-अक मैहणु जै कौ तैस पन विश्वास करिया तेसैरा नाश ना भुईया पण तेसनी अनन्त जीवन मेईया।”

केईनी कि “परमेश्वरै अपड़ा पुत्र संसारा मझ ऐठणीरै तेईनी ना भेईजा कि सै संसारैरा पापिया मैहणुवंनी सजायरी आज्ञा दिया, पण ऐठणीरै तेईनी भेईजा कि संसारैरा मैहणुवां केरा तेसेरै जरियै उद्धार भुईया।

यीशु तेसनी उत्तर दिता, “आंउ ताउ सिंउ सच-सच बोलता, कौ बि परमेश्वरैरा राज्य ना तका सकता ज्यो-तेईनी सै दुबारा जन्म ना लिया।”

जै कौ परमेश्वरेरै पुत्रा पन विश्वास काता तैस पन सजायरी आज्ञा ना भूंती, पण जै तैस पन विश्वास ना काता, सै दोषी मनि गियौरा; केईनी कि तेनी परमेश्वरेरै इकलौतै पुत्रा पन विश्वास ना केया।

सजायरी आज्ञायरा कारण ऐ आ कि ज्योति इस संसारा मझ यैई, जां मैहणुवें अंधारू ज्योति किना जादु प्यारू मनु, केईनी कि तेन्हैरै कम बुरै थ्यै।

जरूरी आ कि सै होरा जादा खास भूंणा चेहिंथा पण आंउ तैस किना खास न बंणु।

केईनी कि जै मैहणु पाप काता सै ज्योति सेईतै बैर काता, जां सै ज्योति नीड़ ऐठणीरै तेईनी ना ऐईंता कि किहीं-क्यै तेन्हैरै पाप सांमणै ना चलि ऐईछिया।

ऐठणीरै तेईनी जै कौ परमेश्वरेरै पुत्रा पन विश्वास काता, तेसनी ऐ अनन्त जीवन मेईंणा, पण जै मैहणु परमेश्वरैरै पुत्रेरी गल न मनता तेसनी अनन्त जीवन ना मेईंणा, पण परमेश्वरा तेसनी अनन्त कालैरी सजा दींणी।”

जां जिहीं मूसै सुनसान जगाय मझ पित्तऐरा बंणौरा कीड़ा उथड़ि जगाय टंगा, तिहियें मैहणुरा पुत्र मतलब आंउ बि उथड़ि जगाय टंगियूंणा जरूरी आ।

पिता परमेश्वर अपड़ै पुत्रा सेईतै प्रेम काता, जां तेनी सभ किछ तेसेरै अधिकारा मझ दी दितोरू आ।