Popular Bible Verses from लूका 5

Share

जेख्णी सै मैहणुवां सिंउ गल्लै करि बेठा ता यीशु शमौना सिंउ बौलु, “डुघू मझ लै चल, जां किछ मछलिया पकड़नेरै तेईनी अपड़ै जाल सुटा।”

शमौनै तेसनी जुबाव दिता, “हे मालिक! असै सारी रात मैहनत केयि जां किछ ना पकड़ु तां बि तु ऐहीं बोलता ता मूं तिंडु बोलोरू जाल सुटणा।” जेख्णी पतरसै जां तेसेरै साउगियै जाल सुटा ता बड़ी मछली तेन्हैरै जाला मझ चलि येई जां तैन्हांं ऐहीं लगणा लगु कि तेन्हैरै जाल फटि गांहणै।

पण सै तैन्हांं किना दूर सुनसान मझ अलग गहि करि प्रार्थना करींथ्या।

आंउ तैन्हांं मैहणुवां शदाणनि ना यौउरा जै अपड़ै आपनि धर्मी समझतै, पण आंउ पापिया मैहणुवां शदाणनि यौउरा ताकि सै अपड़ै पापा किना अपड़ा मंन फेरिया।

ऐक्यु तका करि शमौन पतरसै यीशुरै पैयिड़ा पन पै करि बौलु, “हे प्रभु! मूं किना चलि गा, केईनी कि आंउ पापी मैहणु आ।”

यीशु ऐ शुणि करि तेन्हांनि जुबाव दित्ता, “बिमार मैहणुवां बेईदैरी जरूरत आ, पण जै ठीक अत्तै तैन्हांं बेईदैरी जरूरत ना भूंती।”

तां तैन्हैं किश्ती किनारै पन लाय जां सभ किछ छडि करि तैस सेईतै चलि पियै।

अक बारी जेख्णी यीशु कोसक्यै नगरा मझ थ्या, तां तैठि तैस किनि कोढ़ेरी बिमारी वा अक मैहणु या जां सै यीशु तका करि मुँहैरै भारै पेया जां विनती की, “हे प्रभु! अगर तु चहिया ता मूं ठीक करि सकता।” तेनी हत्थ आघै करि-करि तैस छू करि बौलु, “हाँ! आंउ चांहथा कि तु ठीक भौ गहिया!” जां सै इकदम कोढ़ेरी बिमारी किना ठीक भौ गिया।

पण यीशुरै बारै मझ चर्चा होरी बि फैलती गैई, जां बड़ै सारै मैहणु तेसैरा उपदेश शुणनेरै तेईनी जां अपड़ि बिमारिया किना ठीक भूंणेरै तेईनी तैस किनि ऐईंणा लगै।