Popular Bible Verses from मरकुस 6

Share

यीशु चैला सेईतै बौलु, “ऐईछा एकि सुनसान जगाईनी गांहथै जेठि असै अकेलै बेशि सकिया जां कुछ टैंम आराम करि सकिया।” केईनी कि बड़ै सारै मैहणु ऐईंतै-गांहथै थ्यै जां ऐनि कारणै यीशु जां तेसेरै चैला रोटी खाणनि बि टैंम ना लगींथ्या।

यीशु तेन्हांनि बौलु एकि भविष्यवक्तैरा सिर्फ तेसेरै अपड़ै नगरेरै मैहणु जां अपड़ै परिवारा छडि करि होरतियै सभतियै आदर भूंता पण अपड़ै देशा जां रिश्तैदारा मझ ना भूंता।

जेख्णी यीशु किश्ती पना उतरा, तेनी अक बड़ी भीड़ तकाय, जां तैन्हांं पन तैस तरस या, केईनी कि सै तैन्हां भ्रैडा सैयि थ्यै जैन्हैंरा कौ पुव्हाल ना थ्या, तेन्हैरा कौ अगुवा ना थ्या जै तेन्हैरी देख-भाल करि सकिया; जां सै तेन्हांनि परमेश्वरेरै राज्यरै बारै मझ बड़ी सारी गलै शिख्रांणा लगा।

तैन्हैं तैस पन विश्वास ना केया ऐठणीरै तेईनी तेनी अपड़ै हत्थ रखि करि सिर्फ कुछ ऐ मैहणु ठीक क्यै। ऐठणीरै अलावा तेनी तैठि हौरा कौ चमत्कार ना करिया। जां तैस तेन्हैरै अविश्वासा पन हैरांनी भुई। ऐठां किना बाद यीशु आस-पासेरै ग्राँ मझ ग्या जां मैहणुवंनी परमेश्वरैरा सन्देश शुणां।

यीशु सै पंज रोटी जां दो मछली लेई जां सुरगा धेरै तका करि परमेश्वरैरा धन्यवाद केया, जां रोटिया केरै दो-दो टुकड़ै करि चैला धेरै दींता ग्या कि सै मैहणुवंनी खांणनी दिया, जां सै दो मछली बि तैन्हैं सभनियांं मझ बंडि दित्ती। जां सारै खा करि रजि ग्यै, जेख्णी सारै खा बेठै ता चैलै बचोरिया रोटिया केरी बाराह टोकरी भरी करि उछुति जां किछ मछली बि।