Popular Bible Verses from MATEU 19

Share

A Yeesu kaŋan bukul këkës a na ja bukul: “Bañaan-bajin yëlaants përo, maa Nasien-batsi ayëlan përo ngëko bëlieng.”

Unk, bu katse ci batëb, maa katël uliaf kaloole baŋ. Wul ka wun, ko wi Nasien-batsi bofëlan wi, ñaan tsë gar.”

A Yeesu yankës bukul, aja: “Nda jukatsko un picana wi-a? Tsi ujuundi, Kaleemp-ngëko-bëlieng aleemp bukul, niints ni ŋaats, a na ja: ‘Wul ka wun, niints ka pën tsi asinul ni aninul, në mobëlar ni aarul, din bukul batëb ka ruka ci katël uliaf kaloole baŋ.’

A Yeesu ja bukul: “Nda wëtan upäts uties ba bi tsi nji, ind tsë laaŋ bukul. Par, pësien batsi aci pa bañaan ban naam biki pi bukul.”

Bacumal tsi bacäk kee ba ci batuami, a bacumal tsi batuami kii ci bacäk.

Ñaan na wëtani ito, tsi undo nji, oo ban tsaar biki ni nul, bayënts oo bakaats, asinul oo aninul, upätsul, oo ireeŋul, nii yank un pe wi përëmb, aa ngëyaas useent; në kaand ubiira un dits wi ka ba.

A Yeesu jaul: “Uci m ŋal pëci nan bai pëci nawar, tsëpan kii waap ko wi m ka wi bëlieng kë tseend baranj uncaam, kii ka bëka di batsi. Din, kë pëni kë fetsin.”

A Yeesu yankul, aja: “We ka wun a kë yeparin uleka ko u wara wi? Naloole rin, ci-un nawar. Uci m ŋal pëka ubiira, moban tsi përo ko wi ngëtsua ja wi.”

A ndu nja ind kak: A pe përaf pë ja ungilëm pëpar bi baar kagúja, ni pëjaa narëmb na niaj pësien Nasien-batsi.”

Má n ja ind: Nan gari bënim ni aarul, te cits tsi uleka katuk-ufuts, a na nim nalon ŋaats, a jub.”

Din, a Yeesu ja bafetsul: “Mán leents ind ucär: Aci ko u nooran wi, tsi pëjaa narëmb ka niaj di pësien batsi.