Popular Bible Verses from लूका 6

Share

ओकी कै दैया कौरौ, तौ पौरमेशवर तुऔं बै दैंदाए: लोग पूरै नाप शै दबाए-दबाएयो औरौ हिंजाल़ी-हिंजाल़ियौ औरौ उदारता लैई तोंवारै हौंगटै दौ छोड़दै, जिथुकै जैशैखै तुऐं ओकी का न्याय कौरलै, तोंवारा बै न्याय हौंदा।”

आछा आदमी आपणै मनो कै आछै भण्डार शै आछी बातौ घाड़ो, औरौ बुरा आदमी आपणै मनो कै बुरै भण्डार शै बुरी ही बातौ घाड़ो; जिथुकै जू तैसकै मन दो भोरयोंदो औसौ सैजौई तैसकै मुँओं पौरैशौ बायरै आंव।”

जै तुऐं आपणै दुशमन आरी प्यार राखौ, औरौ भोलाए कौरौ, औरौ हौजौ पाछु पाणै कै उमीद नी राखैयौ उधार दैंव; तौ तुऔं कारिए बौड़ा फोल़ हौंदा। औरौ तुऐं सौबीदै बौड़ै पौरमेशवर कै नानड़िया ठोहरलै, जिथुकै सै तिनु पांदी जू धन्यवाद ना कौरौ औरौ बुरै लोगौ पांदी बै कृपा कौरणौवाल़ा औसौ।

जैशणा तोंवारा स्वर्ग का पिता दया कौरणौवाल़ा औसौ, तैशैकैई तुऐं बै दया कौरणौवाल़ै बौणौ।”

“ओकी का न्याय नी कौरौ; तौ पौरमेशवर बै तोंवारा न्याय ना कौरदा। ओकी कै दोषी नी ठोहराया, तौ पौरमेशवर बै तुऔं पांदी दोष ना लांदा, ओकी कै बै माफ कौरौ तौ पौरमेशवर बै तुऔं माफ कौरदा।

“पौरौ हांव तुऔं शुणणौवाल़ै कै बुलू, कै आपणै बौयरीआरी बै प्यार कौरेया; जू तुऔं आरी बुरु कौरलै तिनका भोला कौरौ। जू तुऔं शराप दैलै; तिनु आशीष दैया, जू तोंवारै बैज्जती कौरौ, तिनु कारिए प्रार्थना कौरौ।

जैशै तुऐं चांव कै लोग तोंवारै साथै कौरौ, तुऐं बै तिनकै साथै ऐशणाई बर्ताव कौरौ।”

जै कुणिए तैरै ऐक खोखटै पांदी चटाका लालै, तैसकै ढौबौ खै ओका खोखटा बै फैरै दैया। औरौ जू तैरा झागा खिंचौ तैसी लोइया दैणौ शै बै मोना ना कौरेया। जू कुणिए तांव कैईंदु मांगलै, तैसीखै दैय दै औरौ जू तैरी चीज़ खिंचौ तेसियांदै नी मांगैया।

“कुणजाई आछा डाल़ ना आथी जू बुरा फोल़ दैंव, औरौ ना ही बुरा डाल़ आछा फल़ दैंव।

हरेक डाल़ आपणै फल़ शै पोछैयाणै जांव; जिथुकै लोग झाड़ी शै अंजीर ना तौड़ौ, औरौ ना झड़बेरी शै अंगूर।