Popular Bible Verses from मत्ती 5

Share

औरौ लोग दिवा बाल़ेयो शैकड़ै तौड़ी ना राखौ, पौरौ तिथुकै दियोट पांदी राखौ, तोबै तिथकु पेयाशो घोरो कै सौबी लोगौ खै भैटौ। इथकारिए तोंवारो पेयाशो ओकी आदमी कै सामणै चौमकौणौ चैंई ताकि सै बै तोंवारै आछै काम दैखैयो तोंवारै पिता कै बौड़ाए कौरौ, जू स्वर्ग दा औसौ।”

तुऐं पूरी दुनिया कारिए पेयाशै कै जैशणै औसौ जू शहर धारो पांदी बौसै रौआ। सैजा शहर छिपै ना सौकदा।

“धन्‍य औसौ सैजै, जिनकै मन शुध्द औसौ, जिथुखै सै पौरमेशवर खै दैखदै।”

“धन्‍य औसौ सैजै जू धार्मिकता शै साचा जीवन जिणौ कै इछा राखौ, पौरमेशवर तिनुकै छोकाला।”

पौरौ हांव तुऔं खै ऐजौ बुलू कै आपणै बौयरीआरी प्यार कौरौ औरौ आपणै सतानेवाल़ै कारिए प्रार्थना कौरौ।

“धन्‍य औसौ सैजै जू महसूस कौरौ कै तिनुकै पौरमेशवर कै जौरुरत औसौ, जिथुखै स्वर्ग का राज्य तिनका ही औसौ।”

“धन्‍य औसौ, सैजै जू मैल कौरवाणौवाल़ै औसौ, जिथुखै सै पौरमेशवर कै नानड़िया बौल़ै जालै।”

“धन्‍य औसौ सैजै जू शोक कौरौ, पौरमेशवर तिनुकै शान्तै दैन्दा।”

“धन्‍य औसौ सैजै, जू धार्मिकता का जीवन जिणौ कै बौजैह शै सताए जांव, जिथुखै स्वर्ग का राज्य तिनका ही औसौ।”

“धन्‍य औसौ सैजै जू दया कौरणौवाल़ै औसौ, पौरमेशवर तिनु पांदी दया कौरदा।”

“धन्‍य औसौ तुऐं, जोबै लोग तुऔं मैरै चैलै हौणौ की बौजैह शै तोंवारै नेंदैया कौरौ, औरौ सतालै औरौ झूठु बौल बौलेयौ तोंवारै खिलाफ सौबी भान्त की झूठी बातौ बौल़ौ। तौलौ तुऐं खुश औरौ मगन हौया जिथुखै तुऔं कारिए स्वर्ग दा बौड़ा इनाम राख राए। इथकारिए कै तिनुऐ तिनु पौरमेशवर कै बातौ बौताणौवाल़ै कै बै जू बौहितै सौमय दै आगै आए रौवै थिए ऐशैखैई सताए राए थिए।”

“धन्‍य औसौ सैजै जू नम्र औसौ, जिथुखै सै धोरती कै औधिकारी हौंदै।”

“तुऐं इयौं दुनिया कै लोगौ कारिए नूण कै जैशणै औसौ, पौरौ जै नुणौ का स्वाद बिगड़ै जांव, तौ तिथु कियों चीज़ौ लैई नुणाटौ कौरलै? तोबै सै किथुई कामको ना आथी, सिरफ इथकारिए कै बायरै फेरकाए जांव, औरौ सै आदमी कै लातो तौड़ी मांडे जांव।

तुऔं तिनु लोगौ शै प्यार कौरणौ कै जौरुरत औसौ जू तुऔंआरी प्यार ना कौरौ औरौ ऐशैखैई पौरमेशवर तुऔं सिद्ध बाणौ, जैशणा कै तोंवारा पिता स्वर्ग दा सिद्ध औसौ।”

पौरौ तोंवारै बात हां कै हां औरौ ना कै ना हौणै चैंई, जिथु जू किछै इदु जादा हौंव सै दुष्ट शैतान लैई हौंव।”

“तुऐं शौणै तौ राए हौल़ौ, कै मूसा कै कानून दो का लैखै राए, कै आख कै बौदलै आख, औरौ दांदो कै बौदलै दांद। पौरौ हांव तुऔं खै ऐजौ बुलू कै बुरै आदमी शै बौदला नै लोया, पौरौ जू कुणिए तैरै सोऐं खोखटै पांदी चटाका लालै, तैसकै ढौबौ खै ओका खोखटा बै फैरै दैया।

जै तैरै सोऐं आख तांव लैई पाप कौरांव, तौ तू तियौं आख निकाल़ैबा आपणै धोरे दै बैगाए दै, जिथुखै तांव कारिए ऐजौई बोड़िया औसौ जै तैरै अंगो मुंजीदा ऐक नाश हौए जांव औरौ तैरा सौबै शोरीर नरको दा ना फेरकाए जांव। पाप कौरणौ कै सौब बौजैह खै आपणै जिन्दगी शै दूर कौरौ, जैशैखै तैरा सोंवा हाथ तांव लैई पाप कौरांव, तौ तू तैसीखै काटेबा आपणै धोरे दा बैगाए दै, जिथुखै तांव कारिए ऐजौ ठीक औसौ, कै जै तैरै अंगो मुंजीदा ऐक नाश हौए जांव तौ तैरा सौबै शोरीर नरक दा ना पाया जांव।”