Popular Bible Verses from Ruuka 19

Share

Kwa okubha, Omwana wa Adamu yaajiri okutuna na okutuurya abhantu bhanú bhaabhura.”

Bhakagamba ega, “Anonkerwe omukama unú araaja kwa eriina rya Omukuru Waryubha. Habhe na omurembe gati ya Waryubha na abhantu bhaaye. Na agungibhwe Waryubha wa eguru ya bhyonsego.”

Yeesu akamukeerya ega, “Reero inu, obhutuurya bhubhahikiiri abhantu bha enyumba inu, kwa okubha omuntu unu wonse yeeyorokerye omwene ega, m-mwana wa oruganda rwa Abhurahamu.

Mbe, Yeesu hanú yaahika kumukuyu harya, akamaaha eguru kumukuyu, akagamba ega, “Jakaayo, ituuma bhwangu! Reero ndeenderwa okubha omugeni iika owaaho.” Rumwigo, Jakaayo akeetuuma bhwangu, akamugenihya Yeesu iika owaaye kwa obhujomerwa.

Nawe, Jakaayo akeemirira, akamukeerya Omukuru Yeesu ega, “Omukuru, itegeerera! Bhoono, etuugati rya ebhintu bhyani, ndabhagabhira abhatobhu. Na nyoore naaruusya omuntu wowonse ekintu kwa okumwihonera, ndamuhunjukirya mara kane ya kinú naamuruusya.”

Mumuganda guyo, bhaaringa-mo Abhafarisaayo. Mbe, bhakamukeerya Yeesu ega, “Omwihigirya, obhakaanʼye abheehigira bhaaho, bhatige okugamba ego!” Yeesu akabhakyukya ega, “Ndabhakeerya ega, nyoore bhayo bharaakire, kora amagina garaajiirire!”