Popular Bible Verses from Mariko 11

Share

Kwa ekisigo kiyo, ndabhakeerya ega, kyokyonse kinú murasabha hanú muringi kumasabho, mubhe na eimani ega, muranyoora, na hayo nho muraakinyoore.

Ndabhakeerya obhuheene ega, omuntu wowonse unú araakeerye enkuku inu ega, ‘Ihika wiyese munyanja,’ bira okubha na enkubhi mumutima gwaye, nawe, abhe areekirirya ega, eringʼana rinú aragamba rirakoreka, maheene rirakoreka.

Na kira hanú murasabha, mumwabhire omuntu wowonse unú abhasariirye. Nho, kora Eseweenyu wa murwire aribhaabhira obhusarya bhwenyu. [

Yeesu akabhakeerya ega, “Mumwikirirye Waryubha.

Kimwi Yeesu akabheehigirya, ega, “Bhoono, etaangʼoorwa mu Mangʼoore Amarabhu ega, ‘Erisyengerero ryani erikuru riribha enyumba eya amasabho, ga abhantu bha ebhyaro bhyonsego’? Nawe bheenyu, muikoreri okubha erisana rya abheebhi!”

Abhantu bhanú bhaaringa bhakangatiri na bhanú bhaamurwanga enyuma, bhaaringa bharagamba kwa eriisi erinene ega, “Hosana! Anonkerwe unú araaja kwa eriina rya Omukuru Waryubha!

Turamugungya Omukama wa obhukama bhwa jaaji weetu Daudi, bhunú bhuraaja! Hosana, Waryubha unú aringi murwire!”