Popular Bible Verses from John 6

Share

Jesus in, “Keima in, nuntakna anluum ka hi hi. Kei kungah hong paite in, a ngilkial ngei nawn ngawl tu hi; kei hong umte in, a dangko ngei nawn ngawl tu hi.

Nuntakna a pia sia Pathian ii Thaa ahi hi; mihing thahatna in mannung mama ngawl hi. No tungah ka pau sa kammalte in nuntakna a pia Pathian ii Thaa hong tut ahi hi.

A sia thei an atu in, naseam heak vun; tua sangin a kikhomsuan tawntung nuntakna an atu in seam zaw vun. Hisia in Mihing Tapa ii no hong piak tu an ahi hi, banghang ziam cile Pa Pathian in ama tungah lungkimin tepteena koi zo hi,” ci in zo hi.

Banghang ziam cile ka Pa ii deina sia, Tapa mu a, ama a umte theampo in tawntung nuntakna a nga natu ahi hi. Tuaciang ni tawpkhakbel ni in, amate nuntakna sungah ka thosak tu hi,” ci hi.

Jesus in, “Pathian ii no sep tu a dei nasep sia, ama ii a sawlpa na up tu uh ahi hi,” ci in zo hi.

Ka pa hong piak mihing theampo kei kungah hong pai tu hi. Kei kung hong zuan peuma ka nial ngei buatu hi

Simon Peter in, “Topa awng, akua kung pai tu khu ziam? Tawntung nuntakna a pia kammalte nangma in na nei hi.

Keima in vantung pan hong pai a nungta anluum ka hi hi. Khat po in hi anluum a ne le nungta tawntung tu hi. Ama ka piak tu anluum in, leitung mite nuntak thei natu a, ka piak ka taksa ahi hi,” ci in zo hi.

Kei hong sawl Pa in kei kungah hong puak buale, kuama kei kungah hong pai thei ngawl hi; tuaciang ni tawpkhak ni ciang nuntakna sungah ama ka thosak tu hi.

Banghang ziam cile, Pathian hong piak anluum sia in, hi leitung ah nuntakna a pia tu in, vantung pan hong paisuk pa ahi hi,” ci hi.

Keima in nuntakna anluum ka hi hi.

Jesus in anluumte la a, Pathian tungah lungdamko in, tua munah a to mihing teng hawmsak hi. Ama in tuabang ma in ngasate zongh hawm a, amate a vekpi in a du zaza ne uh hi. Amate a kham siat zawk uh ciang, a nungzuite munah ama in, “A kham vaal teng kaikhawm vun; bangma pakvawt bua tawng,” ci hi.

Nungzuite in kilometre 5 bang 6 bang ngunkuang a haw zawkciang, Jesus tui tungah lampai in, ngunkuang nai ah hong pai a mu uh ciang, amate lau uh hi. Jesus in, “Lau heak vun, keima khi hi!” ci hi.