Popular Bible Verses from Luke 8

Share

Leiphana ah a tu thaiciite sia a thu za a, thunitna thinsung pha taw keamcing a, a ngate a nga dong a zomto suakte ahi uh hi.

Ling kawm ah thaicii a tute sia a thu za a, ahizong thinngimna, hau nopna le leitung nopsaknate in khunel a, amate min hun a nei bua hi.

Suang tamna munah thaicii a tute sia Pathian thu lungdam takin za a, a saangte hi. Ahizong a thu in thuk bun ngawl hi; tawmvei hunsung teng um phot ahihang, ze etna hong pai ciangin, amate puk uh hi.

Tua zawkciang nungzuite munah, “Na upna uh koisung om ziam,” ci hi. Ahihang amate in lamdang sa in lau uh a, khat le khat hi bangin kici uh hi. “Hisia pa akua ziam? Ama in vuipi suangval le tui kihualte tungah thu a piak ciangin tuate in, a thu ni uh hi!” ci uh hi.

Lamzin tungah a tu thaiciite sia a thu a zate hi; ahihang Doaimangpa hong pai a, ngupna a nga ngawl natu le a up ngawl natu in, a thinsung uh pan tua Pathian thu sia laaksak hi.

“A kiseal nate theampo a kilangh in kipusua tu a, a kikhupsin theampo kimu tu a, kipualaak siat tu hi.

Numeinu in ama kiphawk zo ci in a heak ciangin liing ngawpin pai a, Jesus peang ah bok hi. Tua munah a om mihing theampo ii muna ah ama ii puanmong a thamsakna thu le, thakhatin a kidamsakna thu son hi. Jesus in ama tungah, “Ka tanu awng, na upna in hong damsak zo hi, Thin nuam takin, va pai ta'n,” ci hi.

Nungzuite in Jesus kung pai in phong a, “Topa, Topa! Ei teng thi dektak zo hing!” ci uh hi. Jesus tho in vuipi le tuihualte thupia a, tuate thimin, dai dide hi.