Popular Bible Verses from Mark 10

Share

Banghang ziam cile Mihing Tapa ngawngawn zongh, ngual in ama na a sepsak tu in hong pai bua hi; ngual atu a seam tu le, a nuntakna pia in, mihing tam mama tan tu in hong pai hi,” ci hi.

Jesus in amate tangtan in en a, “Mihingte atu hi sia suak thei ngawl hi, ahihang Pathian atu in suak maw ngawl hi. Pathian atu in na theampo suak thei hi,” ci hi.

“Va pai ta'n, na upna in hong damsak zo hi,” Jesus in ci hi. Thakhatin ama khuamu thei a, tuaciang Jesus zui in pai hi.

Tua hi a, Pathian ii ngawmsa sia kuama in khen heak hen,” ci hi.

Jesus in ama itna taw en in, “Na kisap khat bek om lai hi. Va pai ta'n a na neisa theampo zuakin, na sum nga teng mizawngte pia ta'n; tuasia ciang vantung ah hauna na nei tu hi; tua zawkciang hong pai ta'n a, ka nung hong zui ta'n,” ci hi.

Jesus in, “Nang atu bang hong vawtsak lengh, na nuam ziam?” ci in dongh hi. “Syapa awng, khuamu thei kik nuam khi hi,” ci in zo kik hi.

Ahihang no sungah hi bang hi ngawl tu hi. Khat po in a lian tu a uuk uh le, a dang teng ii naseampa hi tu hi

A tatakin kong ci ciang, patangno khat ii saan bangin Pathian Ngam a saang ngawl peuma in, tuasung ah a tum thei buatu hi.”

Ahihang tu laitak a masa ahi mihing tam mamate sia a khak hi tu a, tu laitak a khakte sia a masa hi tu hi,” ci hi.

Ahihang a kipatciil bitphua hun lai in, laithiangtho ii ci bangin ci leang, ‘Pathian in pa khat le numei khat vawt hi. ‘Tuaciang hi thu hangin, pa khat in a pa le a nu nusia in a zi taw kingawm tu hi. Tuaciang amate nii sia khat suak tu hi.’ Tua ahikom amate nii hi nawn ngawlin, khat ahi hi.