Popular Bible Verses from हिब्रूहरू 4

Share

किनकि परमेश्‍वरको वचन जीवित, क्रियाशील र कुनै पनि दुईधारे तरवारभन्दा धारिलो हुन्छ, जसले प्राण र आत्मालाई अनि जोर्नी-जोर्नी र हाडको मासीलाई समेत भाग-भाग गरेर वारपार छेडिदिन्छ, र हृदयका विचार र मनोवृत्तिको न्याय गर्छ।

यसकारण हामी आत्मविश्‍वासका साथ अनुग्रहको सिंहासनको नजिक जाऔं, ताकि हाम्रा खाँचोहरूका समयमा हामीलाई दया र अनुग्रह प्राप्‍त होस्।

किनकि हामीसँग हाम्रा दुर्बलताहरूमा सान्त्वना दिन नसक्ने प्रधान पूजाहारी होइन, तर हामीसँग त यस्ता प्रधान पूजाहारी हुनुहुन्छ, जो हामीझैं हर प्रकारले परीक्षित हुनुभएर पनि पापरहित हुनुहुन्छ।

अनि सारा सृष्‍टिमा भएको कुनै पनि थोक परमेश्‍वरको सृष्‍टिबाट लुकेको छैन। हामीले आफ्नो हिसाब बुझाउनु पर्नेका आँखामा सबै थोकहरू खुला र उदाङ्गो हुन्छन्।

यसकारण स्वर्ग छिचोलेर जानुहुने परमेश्‍वरको पुत्र येशू, महान् प्रधान पूजाहारी, हामीसँग हुनुभएकोले, हामीले स्वीकार गरेको विश्‍वासलाई दृढतापूर्वक थामिराखौं।

यसकारण इस्राएलीहरूका अनाज्ञाकारीताको नमुना अपनाएर कोही पनि नष्‍ट हुन नपरोस् भनेर हामी त्यस विश्राममा प्रवेश गर्न भरमग्दूर प्रयत्‍न गरौं।