Popular Bible Verses from याकोब 3

Share

तर स्वर्गबाट आउने बुद्धिचाहिँ पहिले त शुद्ध हुन्छ, अनि शान्तिप्रिय, विचारशील, आज्ञाकारी, दया र असल फलले भरिएको पक्षपातरहित अनि निश्छल हुन्छ।

तिमीहरूमध्ये को बुद्धिमान् र समझदार छ? त्यसले आफ्नो असल जीवनद्वारा र बुद्धिबाट आउने नम्रतामा काम गरेर त्यो देखाओस्।

शान्ति कायम राख्नेहरूले शान्तिमा छर्छन् र धार्मिकताको कटनी गर्छन्।

किनकि जहाँ तिमीहरूमा ईर्ष्या र स्वार्थपूर्ण अभिलाषाहरू छन्, त्यहाँ गडबडी र सबै किसिमका दुष्‍ट कामहरू पाइन्छन्।

जिब्रोले हामी हाम्रा प्रभु र पितालाई प्रशंसा दिन्छौं, अनि यही जिब्रोले हामी परमेश्‍वरको स्वरूपमा बनिएका मानिसहरूलाई सराप्छौं। अनि यसरी एउटै मुखबाट प्रशंसा र श्राप निस्कन्छन्! हे मेरा दाजुभाइ-दिदीबहिनीहरूहो, यस्तो हुनुहुँदैन।

अनि जिब्रो पनि एउटा आगोजस्तै नै हो, शरीरका अङ्गहरूमध्ये दुष्‍टताको संसार नै हो। यसले सम्पूर्ण व्यक्‍तिलाई दूषित पार्छ; त्यसको जीवनको सम्पूर्ण प्रवाहमा आगो लगाइदिन्छ, र यो आफू पनि नरकको आगोमा जल्छ।

तर जिब्रोलाई कुनै मानिसले तह लगाउन सक्दैन। यो घातक विषले भरिएको एउटा चञ्चल दुष्‍ट हो।

हे मेरा दाजुभाइ-दिदीबहिनीहरूहो, तिमीहरूमध्ये धेरैजना शिक्षक नहोओ, किनकि हामी सिकाउनेहरूको न्याय झन् कडाइकासाथ गरिनेछ।