Popular Bible Verses from Markus 13

Share

Ihz ngaz ceuh pehz kawp Ohz. Ihz an klakz khreumz taw phraeoz ti dutz ne bawnz reung dengz khyawt.”

Pehz nam mas seu ngihz an diz ngaz phraeoz truz peuk naeh rae, seu tih toz, dangz toz pao raez.

Meuz ihz mat pehz ne yak kawcz phawmz, yak wonz mok teuk aacz an pehz ngaz tawpz daz ceun nae ne. Meuz phangz an diz, pehz lo upz mony reu ma an pehz bawnz. Kawp daz, nam anz mony reu ma an pehz upz leui, naeh Khuanz Seu Ngamz lao boh.

Plengz boh keu tehz luh kaw, mony reu ma Ohz nam luh.”

“Neuz lak Paz Phraz, yaeh nam mas seu ngihz an diz boh kraao an diz, teu maan kaang raaoz kaw nam mas, Kuanz kaw nam mas.

Meuz pehz ngarz reu oiz tiukz siukz boh reu oiz phaangz ngaz tiukz siukz ne, yak ngaat. Te bawnz naeh boh ceun diz leun. Keuiz daz, maat phraeoz ti dutz.

Tahz kaang ngaz weng truz teuk borz haz? Khinz sawmz haz? Meuz yaerz keu dawrz haz? Teuk ngup haz? Kawp daz nam mas rae teur aacz daehz pao. Beuk nam pao ceun diz, tahz kaang ne weng truz teuk khranz rae doz maen meuz phangz pehz yaetz reuk ngeut. Teur aacz daehz pao raez, ceun Ohz lao pehz ne, Ohz lao ihz nahz hacz aamz.”

Ihz seu kheuz boh seu kheuz, ihz seu prih boh seu prih ngaz teur tiukz. Reu yung kruhz boh an coh nguat keui kaw ngaz naeh klawhz ti. An keu ni naeh seun teungz tukz khahz peur teuk.”

Co kraao maat hacz ne ngaz bawnz krai reu oiz rak kaai ihz klawhz kheuz.

Kawp daz ihz tang heungz keui cih ceun naeh Ohz ne ngaz truz upz daz, ‘Ohz naeh Tahz Khris.’ Keuh upz bawnz ihz heungz baaiz.

“Pehz seu tih toz daehz. Kawp daz ihz ngaz mat leh pehz lan cu tawiz rumz keui, tiz pehz tawiz crawp keui. Pehz ngaz bawnz ceng aacz ngaai ihz mawh boh khunz, kawp pehz tawiz puatz Ohz, keuiz daz pehz ngaz bawnz krai plaez keuh nahz reu oiz rak.

Kawp daz, ihz an plawmz cih pung Tahz Khris boh, ihz an plawmz cih pung ihz taangz phraz keui paw truz ne cih plaez an laak laaiz boh an rak seum sangz keui, khanz daz caang, kyaam upz leh tang ihz an Phraz Caoh ras mok keui.

“Waaiz kraao seu ngihz tukz khahz peur teuk ne, seu ngihz ngaz bimz, kiarz kaw nam aez an thaangz. Seuk muny lang plengz keui ngaz kur, taanz khoz plengz keui kaw ngaz keusz.