Popular Bible Verses from GENESIS 15

Share

Abram nih BAWIPA cu a zumh i cu a zumhnak cu BAWIPA nih a dinnak ah a cohlanpiak.

Cu hnuah cun Abram nih langhnak a hmuh i BAWIPA bia kha a theih. BAWIPA nih cun a thawh i, “Abram, na thinphang hlah. Keimah cu phaw bantukin an hupphengtu ka si. Na laksawng cu a nganpi a si lai,” a ti.

BAWIPA nih cun lengah a chuahpi i, “Van khi zoh law na rel khawh ahcun arfi khi rel tuah hna. Na tefa cu khi arfi zat khi an si lai,” a ti.

Cun BAWIPA nih, “Hi sal hi na rocotu cu a si lai lo, na rocotu cu nangmah na fapa hrimhrim a si lai,” tiin a chimh cu a theih ṭhan.

BAWIPA nih cun a thawh i, “Na tefa hna cu ram dang ah khual an si lai, cuka ah cun sal ah an cang lai i kum za li chung hremnak an ing lai.

Sihmanhsehlaw Abram nih cun a thawh ve i, “Maw Bawipa PATHIAN, kei cu fa ka ngei lo; cucaah zeitindah laksawng cu na ka pek khawh lai? Ka ro a ka cotu ding cu Damaskas khuami Eliezer hi pei a si ko hi.

Cu ni ah cun BAWIPA nih Abram cu bia a kam i, “Hi ram hi a dihlak in na tefa kha ka pek hna lai tiah bia kaa kam, Izipt ram ri i a ummi tiva in tiva ngan Zufrates tiang a si lai

Na tefa hna cu chan li hnuah an ra kir ṭhan lai, zeicahtiah Amor mi hna cu dantat awk tlak hrimhrim in an sual tik lawngah ka ṭhawl hna lai,” a ti.