Popular Bible Verses from GENESIS 18

Share

BAWIPA caah hin zei thil paoh hi a har tukmi a um maw? A caan a tlin tikah kumvoi atu tikah hin na sinah ka ra ṭhan lai i Sarah nih fapa a hrin lai,” a ti.

Cucaah Sarah cu a ni i, “Atu cu fa ngei dingah ka tar tuk cang, cu lunglawmhnak cu ka hmu ngai hnga maw? Cu pinah ka va zong a tar fawn,” a ti.

A tefa hna cu a ngan i a ṭhawngmi miphun ah an cang lai i vawlei cung miphun vialte hna nih hin Abraham thluachuahnak ka pekmi bantuk kha kan pe ve tiah an ka hal lai.

Abraham nih BAWIPA cu a hei naih i, “A sual lomi cu a sualmi hna sinah na thah chih taktak ko hna lai maw? Khuapi chungah khan a sual lomi sawm nga um hna seh law na hrawh ṭhiamṭhiam ko lai maw? Sawm nga khamh awkah khan an khua cu na zuah hnga lo maw?

BAWIPA nih cun a leh i, “Sodom khua chung i a sual lomi minung sawm nga ka hmuh hna ahcun, cu sawm nga ruangah cun khua cu a ningpi in ka zuah lai,” tiah a ti.