Popular Bible Verses from GENESIS 22

Share

Abraham nih cu hmun cu, “BAWIPA nih a khaan ko,” tiah min a sak i atu chan tiang zongin mi nih, “BAWIPA tlang cungah cun BAWIPA nih a khaan ko,” an ti tawn.

Pathian nih cun a thawh i, “Na fapa, fapa pakhat lawngte na ngeihmi Isak na dawtmi kha i lak law Moriah ram ah va kal. Cuka ah cun kan hmuhsak laimi tlang cungah khangh thawinak ah na khangh lai,” a ti.

Vancungmi nih cun, “Ngakchiapa kha fahnak zeihmanh pe hlah, a cungah zeihmanh zong tuah fawn hlah. Fapa pakhat lawngte na ngeihmi hmanh pek sian loin na ka um lo caah Pathian nawl ngaih cu na duh ngaingai ti kha ka hngalh,” tiah a ti.

Abraham nih cun, “Pathian nih a khan te ko lai, ka fapa,” tiah a leh i cuticun an pahnih cun hmunkhat ah an kal lengmang.

Van i arfi zat le rili kam i thetse zat khin tefa kan pek lai. Na tefa nih cun an ral kha an tei hna lai. Cun vawlei cung miphun vialte nih, na tefa thluachuah ka pek hna bantuk hin thluachuah kan pe ve, tiah an ka nawl lai — hi vialte cu nangmah nih ka nawl na ngaih caah a si,” a ti.

Cu hnu tlawmpal ah cun Pathian nih Abraham kha a hneksak i, “Abraham,” tiah a ti i Abraham nih, “BAWIPA, na chimmi bia ka ngai ko,” tiah a leh.

BAWIPA vancungmi nih vancung in a run auh i, “Abraham, Abraham!” tiah a ti. Abraham nih, “Asi, hika ah ka um ko,” tiah a leh.

BAWIPA vancungmi nih Abraham cu vancung in a voi hnihnak a run kawh ṭhan i, “Keimah nih keimah min hrimhrim in biakamnak ka ser lai — hihi BAWIPA chimmi bia a si — fapa pakhat lawngte na ngeihmi kha pek sian loin na ka um lo caah thluachuah tam piin kan pek lai.

BAWIPA nih a chimhmi hmun kha an phak tikah, Abraham nih biakṭheng pakhat a ser i a cungah thing kha a chiah. A fapa cu a ṭem i biakṭheng cung thing cungah cun a chiah.