Popular Bible Verses from MARKA 10

Share

Zeicahtiah Mi Fapa hmanh hi, rian ṭuanpiakmi si awkah ka rat ṭung lo, midang rian ṭuanpiaktu si awk le mi tampi tlanhnak ding ca i ka nunnak pek awkah pei ka rat cu,” tiah a ti hna.

Jesuh nih cun dengteo in a zoh hna i, “Hihi minung caah cun a si kho lo, sihmanhsehlaw Pathian caah cun a si kho ko, zeicahtiah Pathian nih a tuah khawh lomi zeihmanh a um lo,” tiah a ti hna.

Jesuh nih cun, “Va kal kun, na zumhnak nih an damter cang,” tiah a ti. Chikkhatte ah khin khua cu a hun hmu i lam ah cun Jesuh cu a zulh.

Pathian nih a fonhmi hna cu minung nih ṭhen awk a si lo,” tiah a ti.

Dawtnak lungthin he Jesuh nih dengteo in a vun zoh i, “Pakhat lawnglawng na bau, va kal law na ngeihmi thil vialte kha va zuar law tangka cu sifakmi kha va ṭhen hna, cun vancung ah rothil na ngei lai; cun ra law ka zul,” tiah a ti.

Jesuh nih cun, “Zeidah in tuahpiakning law na duh?” tiah a hal. Mitcawpa nih cun, “Saya, khua hmuh ṭhan ka duh,” tiah a leh.

Sihmanhsehlaw nannih cu hi bantukin nan si awk a si lo. Mi ngan si a duhmi cu nan sinum a si awk a si

Mah hi philh hlah u. Pathian Pennak kha ngakchia nih an cohlan bantukin a cohlang lomi cu, ahohmanh Pathian Pennak chungah cun an lut lai lo,” tiah a ti.

Sihmanhsehlaw atu i a hmasa bik a simi hi, mi tampi cu a hmanung bik an si lai i atu i hmanung bik a simi hi, mi tampi cu hmasa bik an si lai,” tiah a ti.

Sihmanhsehlaw a hramthawk, thil ser lio caan ah khan cun, cathiang nih, ‘Pathian nih nu le pa in a ser hna i cu ruangah cun pa nih a nu le a pa kha a kaltak hna lai i a nupi he an i komh lai i, an pahnih cun pakhat ah an cang lai,’ a ti bang khan a si. Cucaah pahnih an si ti lo, pakhat lawng an si cang.