Popular Bible Verses from Matie 11

Share

Anyɩmɔ ‑ɔ ‑sluë lä 'nɩ ‑ɔ yä lä ‑sɩä nä, a yinö'ö! A yinö'ö ‑mä, n yi'anyɩ 'kʋ wɔtɔlɩ 'nyɛ!

Lebhee n 'ylänö'anyɩ lä nä, a nʋɛ. Ɩyä sä n 'tienö'anyɩ lä nä, a nää sɔɔ! ‑Ɔnöza bhää? Amʋ nä, kä n ‑wɔtɔ plɛ, 'nɩ 'nn täkpɔ ‑wʋ 'naa pleyi. Nä, a yi ‑mä, anyɩa' 'wugɔɔ' 'kʋ wɔtɔlɩɩ a yii 'ni!

‑Ɛɛɛ, 'naa lebhee nä, ɛɛ ‑tëbhuu' ‑wʋ bhɛɛ yëku kään. 'Nɩ boduu n nyɩ'anyɩ lä bhɛɛdä nä, ʋʋ' ‑wʋ 'sɩɩ 'kʋ 'ŋɔɔ.

'Nɩ ɔ yi bʋkʋ ci, ɔ lä kä n 'Bä nyɛɛ'ɛ ‑lɩɩ 'fɩɩn. 'Nɩ nyɩkpɔɔ' ‑wʋ 'Bäɔ ‑Yowlio ‑yi, 'nɩ ‑ɔnö 'Bäɔ ‑bhlo. 'Nɩ nyɩkpɔɔ' ‑wʋ 'sɩɩ 'Bäɔ ‑yi 'nɩ ‑ɔnö ɔ ‑Yowlio, ɩyä ‑lɔɔ ɔ ‑Yowli panöɔ‑ lä nä.

Wa ‑mʋ 'nɩ wa ylɔɔ‑ lä nä, kä Zozii sonʋwa, ɔ lä a mʋ ‑yä sa nu lä, 'nɩ sa ni lä 'yi nä, a ‑sää sɔɔ Zään! 'Yikpüü' kʋnyʋää' 'yi welio, 'kpläkplänyʋä nää, 'zläbhlänyʋä yamä, 'nyukwli ‑gbʋgbɔnyʋä nu, 'kudukuë glɔɔ 'kuëë, 'nɩ ŋäzönyʋa nu yɩ Laagɔduu' 'Nägädöö.

Nä ‑ɔ gä 'nyukwli ‑kä nynä ‑mä ɔ 'kä 'nʋ nä, ɔ 'nu!