Popular Bible Verses from Makö 13

Share

'Nɩ nyɩkpaa 'fɩɩn yi'anyɩ zɔbhlɛmä 'naa ‑za. ‑Mä anyɩa' nëëdëë lɔɔ ‑ɔ gä plɛkʋ 'tɛmä ‑aaa 'nɩ bhɩäylʋʋ kä ‑ŋëë nä, ɔ yi ‑lɔɔ nëë' ‑bha.

Nä, aa' ‑wʋ lä ‑lɔɔ' 'tänyɩɛ ‑yi nä, aa' ŋɔɔ ‑lä ‑mä, a gblɩmä.

Wa ka'anyɩ tʋ ‑kuu nä, plɛɛ' belio'anyɩ ‑lä 'mʋ sa 'kä lä ci nää' ‑za. Wa ka'anyɩ ylää‑ nä, wälɩklëa ga'anyɩ lä 'kpobhuu ‑bhlo 'kʋ pleyi ‑bhlüü nä, a cia ‑mä Kplɔɔkplɔɔ‑wugɔɔ 'mʋʋ‑ ŋʋ'anyɩma lä nëë'.

Laagɔ ‑yä ‑dʋdʋ 'sɔ yi 'plö, ‑mä 'naa ciciwälɩɩ' ‑lä 'kɔɔn 'plö.

‑Ɔ plöö‑ lä ylʋʋ ‑yä 'gliyee 'sɔ nä, nyɩkpɔ 'nɩɩ ‑wʋ ‑yi. ‑Laagɔzizii ‑mä 'sɩɩ ɩ 'nɩɩ ‑wʋ ‑yi. 'Nɩ Laagɔ ‑Yowli 'titi ‑mä 'sɩɩ, ɔ 'nɩɩ ‑wʋ ‑yi 'nɩ ‑ɔnö 'Bäɔ ‑bhlo.

A yi tʋʋ' wälɩ 'nu 'nɩ a yi 'sɩɩ ʋʋ' kplü 'nu, ‑mä plɛɛ' belio'anyɩ ‑lä 'mʋ. Ɩ ‑ŋwa 'kʋ nynä ‑mä ‑nɩnɩ 'fɩɩn ŋëë! ‑Mä zëkpëaa' bhɩä‑tänyɩɛɛ' ‑lätee ŋëë‑.

Nä anyɩ ‑mä 'sɩɩ, a gblɩmä ‑mä, ylʋʋ 'kʋ käänyɔɔ 'kä la yi nä, a 'nʋʋ ‑wʋ ‑yi! ‑A! ‑Kugbësä ɔ yi yɩ ‑o! Dodoogää' ɔ yi yɩ ‑o! Zözädä ɔ yi yɩ ‑o! Zëplü ɔ yi yɩ ‑o! Aa' ‑wʋ ‑yi. Kɔ kä 'kʋ vüta 'nɩ ɔ kä ‑yi nä, ɔɔ' ka'anyɩ ‑kä ŋɔɔdä ŋëë. Wälɩɩ n sonö'anyɩ lä ‑lää nä, nyɩkpaa 'fɩɩn n sonɩ lä nynä ‑mä wa gblɩmä.

'Bhlɩ yi 'kʋ ‑bha 'nɩ ɛ yi ɛ lübhlɩ tʋ fä. 'Nɩ 'leyidu yi 'kʋ ‑bha 'nɩ ʋ yi ʋ lü‑leyidu tʋ fä. 'Ylʋzɔɔ' dö ‑bhutukpä, ‑dʋdʋ yi tɩtɛ, 'nɩ ‑gbugbe yi yi. ‑Mä 'kwlɩkaabhɩänä 'fɩɩn nä, ka ‑kʋ lä nynä gbadöŋnɔ kä cii ɔ 'kä gään nä ɩɩ' nyäkälɩɩ ɔ ni lä nä.

‑Mä ɩ ‑ŋwa 'kʋ nynä Laagɔɔ' 'Nägädöö ‑sänöɔ 'fɩa 'bhlɩɩ 'fɩɩn 'mnö.

Bhutukpä yi yi, 'nɩ wa yi 'naa 'ŋnöö bhɛɛ. 'Nɩ nyɩkpɔ nyɩkpɔ yi ci nynä ‑mä ɔmɔɔ‑ plöö‑ Klisöɔ! 'Nɩ wa yi nyɩkpa ‑bhutukpä 'nyigë.

‑Mä anyɩ kä n sonö'anyɩ yɩ nynä ‑mä a gblɩmä. Nyɩkpa yi'anyɩ tʋ kuu, wa yi'anyɩ ‑mɔɔ Laagɔ‑bhitii 'mnö klää, 'nɩ wa yi'anyɩ bhütë. Wa yi'anyɩ 'sɩɩ ‑gɔmnänyʋä ‑yä 'loyuë 'sɔ dëlü tʋ kuu 'naa 'ŋnöö ‑za. 'Nɩ a yi ‑mɔɔ 'naa ‑dläfʋɛ lüü.

‑Kpläkplönyʋä yi yi 'nɩ wa yi ‑kä wa yëku Klisö laa, 'nɩ ‑kpläkplö 'plɔfɛtɩnyʋä yi ‑kä 'sɩɩ 'wlʋ. Wa yi 'yiziziogbɩ ‑yä ‑daminë 'sɔ nʋ ‑yä, wa kä mii nä, nyɩkpaa 'fɩɩn Laagɔ laa‑ lä nä, wa 'kwa 'nyigë.

‑Mä, ‑lɔɔ' nyäkälɩɩ' 'tänyɩɛ kä yɩ plöö‑ nä, 'ylʋkwädla yi kpëmä, 'nɩ 'cʋʋ sʋ lie bhlä nä, ʋʋ' ‑läyɩ sɔɔ lie. ‑Laagɔzälö yi ŋɔkʋ ‑bha 'nɩ ɩ yi bhlü, 'nɩ ŋɔkʋʋ' 'tɛtɩɩ ‑ɩ ‑kä bhlä ‑lɩɩ 'fɩɩn sä nä, ɩ yi gbʋgbɔnöɔ.