Popular Bible Verses from Lúkɩ 17

Share

Lé Zozíi srʋ ɔ́ mà: «Soglù kà mʋ, mà nà fádùò ya mɔ̀ pʋ́a!»

Ɩ́zà ɔ nɩ bhli mɔ̀ nyumosa kʋ́ yruú a mnɩ́, gbàásɔ́ kʋ́ a, lé ɔ nɩ yɩbhlɩ ɔ́ nyumoé gbàásɔ́ kʋ́ a, lé ɔ nɩ bhibhie mɔ̀ a, cielo!»

Mà tányɩɛ́ mʋ́ á nyièdɩ a gupuonyɔ a múó yɩbhlɩ saá mà ɔ́ ya yalɩma a, ɔ́ wlʋ́ a nyièdɩ lé ɔ́ yrɩ́bhà, ɔ́ pá gbányìdi ɔ́ falɛ Lagɔ ŋwnú. Ɔ́ yi lé ɔ́ sra Zozíi a drɩ̀ koti sá, ɔ́ srɔɔ wlú lé ɔ́ pɔ́ɔ́ yúó. Samalitɛ́ɛyʋ kʋ̀ʋ.

Naa, a mányɩ a nyoku kʋ́! Ɩ̀ nɩ́ayʋ́ nɩ nɩ nyumosa a, cílo gɔ̀, ɔ nɩ yɩbhlɩ ɔ́ nyumoé a, cielo.

Bhʋ́ Zozíi yrá mà: «Bhè áa kʋ́gbá nɩ́ lɛ́ yalɩma a, dɛ́gbá ànàà fɛnaá kʋ áa?

Kanyɔ anɩ́: «A fádùò a mʋ́ tɛmɛɛ́ nɩ wlʋ́ cɩ́cása mà mutádɩ̀yie a, a yi míi lé a yi suó lɩ̀à srʋ mà: Suú, soglù, lé ŋwnʋ́vʋ̀ jie a mnɩ́, lé suó yi amɔ kpá ŋwʋ́!

Ɔ̀ nɩ̀ yrá ɔ̀ kà ɔ kɔ́ kʋ́ bhla a, ɔ yiú tɩ. Ɩ́zà ɔ̀ nɩ́ tɩ ɔ́ kɔ́ a, ɔ́ yi ʋ́ neé wlʋ́.

Lé Zozíi srʋ ɔ́ kʋjɩ̀nyʋ̀àà mà: «Wɔlɩ ka lé ɩ ká yrúkanyɔ nɩ lé ɔ ká nyumosa nɩ. Mà mɔ̀ nyɔɔ́ kɔ̀ɔ nɩnɩgbɩ nà kà ɩ̀ liyʋ nɩ lé ɔ ká nyumosa nɩ a, kplé ya mɔ̀ kla! Bhʋ́anɩ nyɔ a nɩnɩgbɩ ká nyʋaá à ŋwnʋ́ Lagɔ̀wɔ̀lɩ̀ɛ̀ kʋ́ a, nɩ lé a ká nyumosa nɩ a á zà a, áa yio cókpalɩ́bhuo blɛɛ́ gʋa lé á yio jié páà.

Wɔlíɛ́ ɩ̀ ŋnɩ lɛ́ Nowée a tanyɩɛ́ a, ɩ́mɩ́ tɛ̀ɛ̀ nà kà Nyɔɔ́ a Yuwliyʋɔ́ a yiyitanyɩɛ́ ŋnɩ. Nowée a tányɩɛ́ a nyʋa lie wá, á mna wá, á síé wá, á sie wá sáà a ŋnɩ́keyuo, lé a yuwliyuo. Á kʋ sɩ́tɛ̀ a nɩda àààn, lé Nowée pla gékpoó a mnɩ́, lé nyúkádʋ̀ɔ̀ bhla, lé ʋ́ bhlá nyʋaá a lɔ̀fɩ́ɛ́.