Popular Bible Verses from John 15

Share

“I am the Vine‐stock; ye are the Branches. He wha bides in me, and I bide in him, that man brings forth rowth oʼ frute: for wantin me ye naething can do.

“Bide in me, as I bide in you. The branch canna bear frute allenarlie; it maun bide in the Vine‐stock: nae mair may ye, gin ye bide‐na in me.

“But gin ye bide in me, and my words bide in you, ask ye what ye wad hae, and it sal be dune tʼye!

“Ye hae‐na made wale oʼ me, but I hae made wale oʼ you, and made ye sterk; sae as ye soud gang and bring forth frute, and frute that sal bide: that aʼ things ye seek frae the Faither iʼ my name, he may gie ye.

“Nae man has evir mair love than this — to lay doon his life for his freends.

“Ilka branch in me that bears‐na frute he taks awa; and ilka ane bearin frute he prunes it, sae as it soud produce the mair.

“Here is my commaun — That ye loʼe ilk ither, eʼen as I loʼed you.

“And this gate is my Faither made glorious — that ye dae bear rowth oʼ frute: sae are ye my disciples!

I am the richt Vine‐stock, and my Faither is the Dresser oʼ the Vine‐yaird.

“Gin ony man bide‐na in me, he is cuisten oot as a fushionless branch, and dwines awa; and folk soop them thegither, and set them alowe, and they are brunt.

“Thir things hae I said tʼye, sae as my joy sal bide wiʼ ye, and yere joy be fuʼ and skailin ower.

“And gin ye keep my commauns, ye sal bide in my love; eʼen as I, keepin my Faitherʼs commauns, bide aye in his love.

“Oʼ thir things I gie commaun — that ye loʼe ane anither.

“Gin ye war oʼ the warldʼs ain, the warld wad loʼe its ain; but — for that ye are‐na oʼ the warld, but waled by me oot oʼ the warld — sae the warld has ill‐wull tʼye.