Popular Bible Verses from Lwiikö 15

Share

Sa'a ɔ 'pää dlɩ, 'n ɔ yiɛ 'wʋ ‑sɔ 'n ɔ yiɛ mö. Ɔ möä, ɔ'ɔɔ ‑bhlɛ sasɛ ‑mä 'ligbë 'mö ghlɛ, ɔ nɛmö ‑mä ngëbleblu, ɔ dɩba 'yoo 'ylɩmöö, 'n ɔ ngäzɩ yoo tenyii 'lɩbhä 'n ɔ yiɛ guë 'n ɔ yoo gbanɩɛ mö 'n ɔ yoo dlɩ gbönɩ.

‑Maa 'na yu nɩ a yɩlɩɛ dɛ'ɛ 'wʋʋ, 'kwie a ‑mɛmɛɛ ɔ 'ku a‑a 'n ɔ yiɛ gɔlɔ, ɔ yɛ a tʋʋ, 'n ɔ yiɛ zɩ'ɛ ghïlo. Wa 'wuë 'n wa yiɛ 'mäna 'käda nʋ.

Sɛ ‑bhʋlʋ ‑kpɔ 'la ‑sɩbhä yɩ ‑wʋä Lagɔ ‑nyɛ nɩkpa 'sɔ a dɔ'wʋ. Mä'ä dʋdʋ 'wʋ a 'nyinylolinʋnyɔ ‑bhlʋ a'bhë, 'n ɔ ‑kä ligba ɔ ‑kä 'ɔ ‑lizokuu kɛ'mö ‑sɛɛ, 'mäna 'käda wa nʋä ‑mä Lagɔ yɔwʋ. ‑Maa nɩkpa a gwlɩ ‑mʋäna nɩkpa kʋgbä ngbï‑mʋäna ‑kpɔ, ‑waaa gbʋ ‑gömö ‑kä Lagɔ a 'yila 'klʋ a dɔ'wʋʋ, wa za wa'aa ‑mä Lagɔ yɔwʋ 'mäna nʋ. ‑Maa nɩkpɛ 'la ‑bhʋlʋ ‑kpɔ, ɔ za wa nʋä ‑mä 'mäna.

Yɩ ‑kä sɛ'ɛ 'mö ‑wʋ, 'wʋ n 'kää ‑sɔ n 'kä 'wlu sɩbhä, n 'kä ‑mä na dɩba ghlɩ. N ‑kä ‑mä ghlɛɛ, sɛ'ɛ n 'kää nɩɩ: ‑Atʋ, n yɛ Lagɔ a dɛ 'nyinyloli 'kädɩ nʋ, n yɛ'ɛ ‑na dɛ 'nyinyloli a ‑bɛ nʋ.

Yuu lɛ naa: ‑Atʋ, n yɛ Lagɔ a dɛ 'nyinyloli nʋ, n yɛ'ɛ ‑na dɛ 'nyinyloli nʋ. N'n‑a'a ‑na 'yu a ‑gba 'mö mlɩnɩ, ‑maa ‑yayaya, libhïïa'a ‑na libhonʋnyɔ 'mö 'wʋ.

«A dɔ'wʋ, nɩkpɛ ‑kä wïla a gwlɩ ngbï ‑kä, 'n yɩ gla'mö a ‑bhlʋ ‑kä 'kwlɛ 'mö tʋʋnɩɩ, sɛ ɔ 'kä bhä 'zʋ 'nɩ? Na dɔ'wʋ, ‑mi'la a gwlɩ ‑mʋäna kʋgbä ngbï‑mʋäna ‑kpɔ 'wuë ‑yɩ tʋä ‑lɛ, yɩ ‑wʋ ‑bhlɛ 'wʋ li dɔ'wʋ, 'n ɔ 'kɩɛ ‑lɛ tɩ, ‑mɛ'la ‑bhʋlʋ ‑kpɔ ‑ɛ tʋʋä, ɔ 'kɛ sɛ tɛlɩɛ mö.