Popular Bible Verses from Lwiikö 6

Share

A nɩ 'nyɛ a 'bhɩa. ‑Sɩbhä a dɔ'wʋ, Lagɔ yeanyɩ 'nyɛmö. Sɛ wa ‑kä'ɛ ‑lɛgɛ kʋ ‑këë, 'n ɛ ‑kä'ɛ yie 'n wa gbaanɛ'ɛ 'wʋ 'n ɛ kwlinɩ'ɛ yɔwʋʋ, Lagɔ ‑kaanyɩ 'nyɛɛ yii, ‑sɩbhä ɔ 'kää 'zʋ. A ‑kä a 'kä 'nyɛ a sɛ a yɛkaa, Lagɔ ‑kaanyɩ 'nyɛɛ yii, sɩbhä ɔ 'kää yɛkamö.»

Nɩkpɛ ‑kä dlɩzɛmönanɩnyɔ glɩnɩɩ, 'ɔ dlɩ zɛmö a ‑li a ‑lii ‑yɩ ‑wʋä ‑mää, 'mö ɔ nʋä. Ɔ ‑kä'ɛ 'zokwë glɩnɩɩ, 'ɔ dlɩ zɛmö a ‑lizokuu ‑yɩ ‑wʋä ‑mää, 'mö ɔ nʋä. Sɛ'ɛ n gbää nɩɩ, nɩkpɛ ‑kä bhïlaa, 'saa suä ‑mä ɔ dlɩ zɛmöö, mɩɩ ghlɛnɔɔ ngli.

‑Sɩbhä a za n gbää nɩɩ, a nɩ ‑wa 'a ‑gblɩwaa. A ‑kä nɩkpɛ ‑li a ‑li 'wlu nʋ, 'n a ‑kä'ɛ nɩkpɛ gɔgbʋ 'nyɛɛ, a nɩ tɩ yɩ 'ylimö a ‑lu ‑kʋ. A ‑kä ‑sɩbhä 'zʋʋ, Lagɔtapɛ yeanyɩ yɩ 'ylimö a ‑lu 'kɔdʋ 'nyɛ, ɔ yeanyɩ ɔ 'yuë a yuë la. Ɛ'ɛ ‑bhö nyɩasɛ, ‑maa Lagɔ ɔbhlɩ, dlɩ zɛmö ɔ nɛnɩɛ nɩkpa 'wuë a dɔ'wʋ. ‑Ɔ 'nɩ 'ɔ ‑li a ‑lii yɩbhlɩnɩ oo, ‑ɔ yi 'kpʋkpʋnyɔ glɩnɩ oo, ɔ nɔ ‑li a ‑li 'wlu 'yize.

‑Sɩbhä a za, sɛɛ a dɩba Lagɔ pää nɩkpa a ngäzɩdlɩɩ, a nɩ 'pämö ‑sɩbhä nɩkpa a ngäzɩdlɩ.»

«A nɩ tɩ nɩkpa ‑zijle tunɩ, nzɩɩ Lagɔ tanyɩa ‑zijle tunɩmö. A nɩ tɩ nɩkpa a dɛ nɩɩ, 'wa 'nyinylolii a gbʋʋ 'naa 'kʋä 'kwädlɩ ‑gömö 'bhöö nʋ, nzɩɩ Lagɔ tanyɩa'ɛ abhlɩ ‑sɩbhä nʋmö. ‑Maa a nɩ 'tatinɩ a'bhɩa a 'nyinylolii a gbʋ 'yi. ‑Sɩbhä a dɔ'wʋ Lagɔ yi a ‑nʋʋ 'yi 'tatinɩ.

«Abhʋaa ‑pʋnɩɩɛ dɛ'ɛ 'yukwlii, abhʋa n nyɛɛ dɛ'ɛ 'dɩ nɩɩ: A nɩ ‑wa 'a ‑gblɩwaa. ‑Ɔ ‑nɩmö ‑wa, nɔ ‑li a ‑li 'wlu. Ɔ ‑kamö bhätlɩnɩ, 'pɔ 'nyu. ‑Ɔ nʋʋmöä ‑lizoku 'wluu, bhibhe ɔ 'wlumö Lagɔ.

Sɛ a yɩbhää sɛ'ɛ wa nɩ 'zʋanyɩ 'tɩɩ, a nɩ 'zʋmö ‑sɩbhä a 'bhɩa.

Nɩkpɛ ‑kä ‑na 'yukwli ‑bhlʋ 'mö 'pää, tuloo 'sɔnɛɛ. Nɩkpɛ ‑kä ‑na'a 'wʋpälekwii 'wʋ 'libhïï, 'nyɔ 'dɩ ɔ 'kä ‑bänaa 'wʋ 'libhïmö. ‑Ɔ ‑kamö zɛlaa, 'nyɔ. ‑Ɔ ‑kä ‑na ‑lu 'wʋ 'libhïï, tonyɩ 'yɩbhänɩ.

Su a su 'nɩ tlʋ 'bhïzoku, suzokwë 'nɩ tlʋ'ɛ 'bhï a bhï.

‑Maa swi a kii 'wuë, 'yɩ bhïï 'mö wa yɩbhlɩniɛ 'mö, miɛ nɩɩ: ‑Kpakaklɔkwa 'wlu, wa'a ‑sɛ ‑mä pɛ, wa'aa 'yɛ ‑zɩ ‑gbäglɛtɛlɩsu 'yli ‑bidlu ‑sɛ.