Popular Bible Verses from Matie 26

Share

A nɩ tɩ ngämö, a nɩ bhibhe Lagɔ, ‑mäpäpʋ ‑kaanyɩ ghlɩ a tɩa ‑mä bhlinɩ. Nɩkpɛ 'yɩbhä a‑a nyɩasɛ ɔ 'kä ‑li a ‑li nʋ ‑maa 'ɔ nɩkpɛglɩnɩsaa a za, ɔ'ɔɔ bhɛnɩ.»

Ɔ lɛ naa: «'Saa lɛ ‑kaaa ghlɩɩ, n ‑kɩɩ dlɩ 'wʋ 'pää, na dlɩ lɛ 'kä ‑mä do. A glɩ dɛ'ɛ sɛ, a tɩa ngämö, a ‑nya'mö 'sɔ ‑a 'kä ‑gä.»

'N ɔ yuëë 'tikïyie 'wʋ gwë 'dionɩ, 'n ɔ yiɛ ‑kokomïladigbï glu 'pä, 'n ɔ yiɛ 'wlu sɛ glɛ, 'n ɔ yiɛ Lagɔ bhibhe, ɔ lɛ naa: «‑Atʋ Lagɔ, ‑n ‑kä 'wʋ nguluu, 'klɩyɩyɛ a ‑dɔkɔ nɩ n 'kää dɛ'ɛ 'nɩmää, 'dianɩ'mu gwë. Miɛ abhlɩ da'a ‑maa, ‑na'a sɛ ‑n yɩbhää, ‑sɩbhä ma‑a nɩ 'wlʋnɩ 'yli, ‑maa ɛ nɩ tɩ 'na dlɩpäsaa ma.»

‑Maa duvɛɛ nɩ, 'na dluu ‑wʋ 'kää nɩkpabhë a 'wlumö kwli, Lagɔ 'kä 'wa 'nyinylolii a gbʋ 'yi 'tatinɩɩ, muä. Lagɔ ‑nyɛ nɩkpaa 'sɔ wa 'kä mɛnɩnɩ a dluä.

Wa ‑wʋ ‑bhlɛ li dɔ'wʋ 'yize, 'n Zezwii yiɛ 'fɔlɔbhë 'wʋ 'libhï. 'N ɔ yiɛ a za Lagɔ bhälɩ 'wë, 'n ɔ yeaa 'mö ‑dɩdɩnɩ, 'n ɔ yuënyɩɛ yowʋ 'nyɛ. Ɔ lɛ naa: «A 'libhï 'wʋ a 'kä li, ‑maa 'fɔlɔbhë nɩ, 'na kpökpaa ma‑a.»

'N ɔ yi'ɛɛ duvɛɛkɔpʋ 'wʋ 'libhï, 'n ɔ yiɛ wʋ za Lagɔ bhälɩ, 'wë, 'n ɔ yuënyɩɛ yɔwʋ 'nyɛ. Ɔ lɛ naa: «A 'wuë, a 'libhï 'wʋ, a 'kä 'nɩmä.

Ɔ bhibhee ‑sɩbhä 'wëë, 'n ɔ yiɛ 'ɔ ‑gänɩwaa ta ‑kpɔ yɔwʋ 'bɩwʋ mö. Ɔ lɛ 'bhöö'ɛ, wa ngämö. 'N ɔ yuëë gäla. Ɔ lɛ naa: «Piɛlɩ, a ‑nya'mö 'sɔ, ‑a 'kä ‑gä ‑këë 'gïle ‑bhlʋ a 'yize 'kä 'plɩ a dɔ'wʋ, a'a bhä bhɛnɩ 'lɩlɩlɩ ‑a?

Tɛɛnɩ dɛ'ɛ, 'naa 'käa'a ‑sɩkaa duvɛɛ 'nɩmä, 'n ɛ 'nɩ ‑bhö 'pɩwʋ mää na Dɩba 'kämanɩɛ ma‑a, ‑mä n ‑nyɛ abhʋa 'sɔ, ‑a 'kɛɛ 'wʋ 'sɔ 'nɩmänɩ.»

Wɛlɩɩ Zezwii 'nyɔ a‑a, nɩɩ: «‑Nmö Piɛlɩ, ‑kɔkɔbhɛlʋʋ 'naa 'kä ‑bhlɛ wɛlɩ 'pä, n‑n ‑kaa 'wʋ taa cɛlɩnɩ,» 'n Piɛlɩ yiɛ 'wʋ ligbanɩ, 'n ɔ yiɛ ‑mä 'wlʋ 'n ɔ yiɛ 'mɩɔkɔslʋ 'wi.

Zaa a ‑sɔ 'wʋ ‑a 'kä mö, a yɩɛ! ‑Ɔ ‑ka'muë kä'mö plɩnɩɩ, ɔ ‑wʋ yi dɔ'wʋ.»

‑Maa Zezwii lɛ naa: «Piɛlɩ, ‑na'a ‑gbälɛɛ, fɛ ‑mä 'ba 'mö, ‑maa ‑ɔ ‑kä ɔ 'li ‑gbälɛ 'mö 'lɩbhää, ‑gbälɛ 'mö wa 'kɔɔ 'lɩbhä ɔ 'kä 'ku.