Popular Bible Verses from Maakö 2

Share

Zezwii 'nwiɛ 'n ɔ yuëë 'dɩ 'nyɛ nɩɩ: «‑Ɔ ‑yɛɛ, ɔ'ɔ tɛlɩ ‑dʋtaa sɛ, ‑maa ‑ɔɔɔ ‑yɛ mɔɔ tɛlɩɛ ‑dʋtaa sɛɛ. Miɛ nɩɩ, nɩkpa ‑wa zlɔnɩɛ 'möö, wa za n'n‑ä mä'ä dʋdʋ 'wʋ yi, ‑maa ‑wa glɩnɩɛ 'nyinylolinʋwaa, wa za n yiɛ, n 'kʋä wäzɩ.»

Zezwii 'yɩɛ 'wa dlɩ'wʋkänʋʋ 'ylɩmöö, 'n ɔ yiɛ kpälɛkpälɛnyɔɔ 'dɩ 'nyɛ nɩɩ: «Na 'yu, ‑na'a 'nyinylolii a gbʋʋ yɛ bhɩɛ.»

«Nza n gbää nɩɩ, nɩkpɛ a za, ‑gwlɛnɩzlɩ ‑wʋä ‑lɛ, ‑maa ‑gwlɛnɩzlɩ a za nɩkpɛ 'nɩɛ ‑lɛ ‑wʋ.

‑Maa nɩkpaa a zunɔɔ a za, wa'aa bhɛnɩ wa 'kä Zezwii yɔwʋ ghlɛ. Zaa, 'n wa yiɛ ‑mä ‑budu ‑gömö ‑gbälɛ, 'n wa yiɛ ‑mä ‑fële ‑dɩ. Kpälɛkpälɛnyɔɔ pö ‑sɛpʋ 'mö, ‑lɛ Zezwii dlɩ 'mö 'n wa yoo ‑lɛ 'kwïlanɩ.

A nɩ ‑yi sɛ nɩɩ, Nɩkpɛ a 'Yu, mɔɔ kää ɔ 'kä mä'ä dʋdʋ 'wʋ nɩkpɛ 'nyinyloli a gbʋ ‑gömö ‑sɛ.» Zaa, 'n ɔ yiɛ kpälɛkpälɛnyɔɔ 'dɩ 'nyɛ nɩɩ: «‑Sɔ 'wʋ, 'libhï ‑na'a ‑sɛpʋ 'wʋ ‑n 'kä 'ligbë 'mö mö!»

N 'kä kpälɛkpälɛnyɔ nɩ 'dɩ 'nyɛ nɩɩ, ‑na'a nyinylolii a gbʋʋ yɛ bhɩɛ, yɩ ‑nyɛ n 'kɔ'ɛ 'dɩ 'nyɛ nɩɩ, ‑sɔ 'wʋ, 'libhï ‑na'a ‑sɛpʋ 'wʋ, nɛmö! Yɩ 'sɔɔ a dɔ'wʋ, ‑mii 'tɛɛ bhä 'mö?

Zezwii gbää sa'a cuu, 'n kpälɛkpälɛnyɔɔ yiɛ 'wʋ ‑sɔ, 'n ɔ yiɛ 'ɔ ‑sɛpʋʋ 'wʋ 'libhï, nɩkpa 'wuë a 'yila 'klʋ, 'n ɔ yiɛ ‑mä 'wlʋ. Wa 'wuë 'n zuzu yuëë ‑gömö 'bhöö, 'n wa 'ghlimanɩɛ Lagɔ a 'nglɩ, n wa nʋä: «‑Aaa ‑bhlɛ tɛkäsɛ sɛ'ɛ 'ylɩmö!»