Popular Bible Verses from পত্থম 37

Share

একদিনে যোষেফে এক্কান্‌ স্ববন দেগিলো। তে সে কধাগান্‌ তা ভেইয়ুনোরে কোইনে তারা তারে আরঅ বেজ্ ইংসে গরা ধুরিলাক্।

বুড়ো বয়জর্ পুয়ো বিলিনে যোষেফরে ইস্রায়েলে তা অন্য পুয়ো গুনোত্তুন্‌ বেজ্ কোচ্‌পেদ। তে তারে এক্কো আত্‌পুরো লাম্বা সুলুম্‌ বানেই দিলো।

ভেইয়ুনে যেক্কে বুঝিলাক, বাব্‌পো তারাত্তুন্‌ যোষেফরে বেজ্ কোচ্‌পায় সেক্কে তারা তারে ইংসে গরা ধুরিলাক্। তারা কনঅ কধা তাল্লোই গমে ডালে ন-কদাক্‌।

ইয়েন পরেদি যোষেফে আরঅ এক্কান স্ববন দেগিলো আর তা ভেইয়ুনোরে জানেল। তে কলঅ, “চঅ, মুই আরঅ এক্কান্‌ স্ববন দেক্কোং। মুই দেগিলুং বেলান, চান্নো আর এগারোবো তারা মরে জু জু জানাদন্।”

ইয়েন পরেদি যোষেফ উগুরে তা ভেইয়ুনো মনানি ইংসেই ভুরি উদের্, মাত্তর্‌ তা বাবে কধানি মনত্‌ গাদেই রাগেল, কাররে ন-কলঅ।

যোষেফে তারারে কলঅ, শুনো, মুই এক্কান্‌ স্ববন্‌ দেক্কোং। মুই দেগিলুং, “আমি খেদত্‌ কাপ্যে শোজ্য আঢি বানির্; মাত্তর্‌ আমক্‌ অবার্‌ ইয়েন্‌, মঅ আঢিবো অজল ওই ঠিয়েল। সে পরেদি তমা আঢিগুন্‌ মঅ আঢিবোরে ঘিরি ঠিয়েইনে জু জু জানেলাক্।”

এজঅ, ইক্কিনে আমি তারে মারে ফেলেইনে এক্কো গাদ ভিদিরে ফেলেই দিই। পরেদি আমি কবং, কনঅ ঝাড়্‌বো য়েমানে তারে হেই ফেলেয়্যে, আর সে পরেদি আমি দেগিবোং তা স্ববন দজাগান্‌ কি অয়।”

সে মিদিয়নীয় বেবসায়ীগুনো মুজুঙোত এত্তে ন এত্তে ভেইয়ুনে যোষেফরে গাদত্তুন্‌ টানি তুলিলাক আর কুড়ি কত্তা রূবোলোই ইশ্মায়েলীগুনো ইধু তারে বিজি দিলাক্। সে বেবসায়ীগুনে যোষেফরে মিসরত্‌ নেযেলাক্।

তারা একজন্‌ আরেকজনরে কলঅ, “উইয়োবো চঅ, স্ববন্‌-দেক্কেবো এজের্।

ভেইয়ুনে দূরোত্তুন্‌ যোষেফরে দেগিলাক্ আর তারা ইধু যেইনে লুমিবার আগেদি তারা তারে মারে ফেলেবার্‌ বুদ্ধি গুরিলাক্।

তে তারারে উবদেজ্‌ দিইনে কলঅ, “খুন-খারাবি গুরিবাত্তে ন-যেয়ো। তা কিয়্যেত্‌ আত্‌ নঅ তুলিনে বরং তারে এ ধূল্যেচর-চাগালার্ এ গাত্তো ভিদিরে ফেলেই দুয়ো।” পরেদি যোষেফরে তারা আদত্তুন্‌ উদ্ধোর্‌ গুরিনে বাবা আদত্‌ গোজেই দিবো মনে গুরিনে তে এ কধাগান্‌ কলঅ।