Popular Bible Verses from लुका 10

Share

सेनी, ङै नाखुरीककी बुलको र बीच्‍छीको पीचीच र शत्रुकुङ पट्‍ट न शक्‍तिकी जुच अधिकार याम्‍हे। नाखुरीककी हीये र हानी माजाट्‍ले।

येशूये जबाफ याहार डेया, “ए मार्‌ठा, नाको वास्‍टै कुराकुङ चीन्‍टा जाट्‍ले र ब्‍याकुल छान्‍ले। टर चहडीस्‍च कुरा काट मट्‍टै ले, होसे न असल कुरा मरीयमै रोजडीमे होटै होसे कुरा होसे लकीङ सुयेर स्‍याट्‍की माय्‍होक्‍ले।”

होचे डेया, “नाकै लहो परमप्रभु परमेश्‍वरकी पट्‍ट मीमन, पट्‌ट प्राण, पट्‍ट बल, पट्‌ट बुद्धिये माया जाट्‌नी र लहो छीमेकी कोलाक लाहाकी लेखा न माया जाट्‌नी।”

होसकै होखुरीककी डेया, “सोट्‍की पर्च फसल च वास्‍टै ले, टर य्‍हामीको चेक्‍जा मट्‍टै ले। फसलौ प्रभुकी य्‍हामी बीर्‌न्‍हकानी डेम प्रार्थना जाट्‍नी, होटै आसकै लहो फसलाङ य्‍हामीको बीर्‌न्‍हकाख्‍यो।

इसे कठा डेम भ्याच न्‍हुइङ येशूये धर्मगुरुकी गीना, “होसे सोम भर्मीको मढ्‌याङ सुये चहीँ होसे घाइट्‌याकी लहो छीमेकीये लेखा सेछ व्‍यवहार जाटा?” होसे धर्मगुरुये डेया, “होसे घाइट्‌याकी ङोस्च सामरी भर्मीये” होटै येशूये डेया, “नुङ्‌नी नाको र होटन जाट्‌नी।”

नाखुरीक नुङ्‍नी, ङोस्‍नी ङा नाखुरीककी सीलाकुङ मीघ्‍याङ भेडौ पाठाकोलाक लेखा न बीर्‌न्‍हकाले।