Popular Bible Verses from लुका 14

Share

“ङाकी डुट्‍चकै लहो मोइ-बोइ, जहान, मीजाको, डाजे भाइ, डै-बहीनी पट्‍ट कोलाक होटै लहे लहो प्राणकी टुच्‍छ मामन्‍डीले डेनाङ ङौ चेला छान्‍की माय्‍होक्‍ले।

लहो क्रूस बुवार ङौ न्‍हुङ-न्‍हुङ माव्‍हाले डेनाङ होसे र ङौ चेला छान्‍की माय्‍होक्‍ले।

हीजैडेनाङ लाहा न बाड्‍को छान्‍की पाचको पट्‍ट न मार्‌जा छान्‍ले। होटै लहे लाहाकी मार्‌जा खास्‍चको चहीँ बाड्‍को छान्‍ले।”

होटजाट्‍न न नाखुरीक मढ्‌याङ सुये ङौ लागी पट्‍ट न ठोक डास्‍की माय्‍होक्‍ले डेनाङ होसे ङौ चेला छान्‍की माय्‍होक्‍ले।

“नाखुरीक मढ्‌याङ सुयेर ढरहरा खास्‍च मीमन जाटा डेनाङ पैसा ओल्‍ल्‍हे की माओल्‍ल्‍हे, कुडीक चहडीस्‍ले डेम पहीला न हीसाब माजाट्‍ले र? इडीक होचे ढरहरा खास्‍की जग बाटा र भ्‍याटाक्‍की माय्‍होका डेनाङ डाङ्‍च भर्मीकै होसकी काराट्‍चै इट डेले, ‘इसे भर्मीये खास्‍की च ठाला, टर भ्‍याटाक्‍की माय्‍होका!’

बरु नाकै ज्‍यामा-गामा कास्‍की आर्‌घानाङ, गरीब-डुखी, लुला-लङ्‍गडा र मीमीक माडाङ्‌च कोलाक आर्‌घानी। होटै नाकै आसीस डुप्‍ले। हीजैडेनाङ होखुरीक खाटा हीर मालेचबाटै नाकै जाट्‍च गुन नाकोकी ल्‍हेट्‍की माय्‍होक्‍ले। टर धर्मीको फेरी पुनरुठान छान्‍नाङ नाकै होच्‍यौ इनाम डुप्‍ले।”

“छा सेछ ठोक हो, टर इच्यो स्‍वाड व्‍हा डेनाङ इसकी फेरी हीये सेसाक्‍की य्‍होक्‍ले र? इसे झौ लागी र सेछ माछान्‍ले होटै मलौ लागी र काम मालक्‍डीस्‍ले। होटै भर्मीकै इसकी लोम्‍ह याल्‍हे। सु खाटा सेच मेन्‍केप ले, होचे सेख्‍यौ।”