Popular Bible Verses from Jeremeia 23

Share

“Pwy sy’n gallu cuddio oddi wrtho i?” meddai’r ARGLWYDD. “Dw i ym mhobman drwy’r nefoedd a’r ddaear!”

“Mae’r amser yn dod,” meddai’r ARGLWYDD, “pan fydda i’n gwneud i flaguryn dyfu ar goeden deuluol Dafydd, un fydd yn gwneud beth sy’n iawn. Bydd e’n frenin fydd yn teyrnasu’n ddoeth. Bydd e’n gwneud beth sy’n gyfiawn ac yn deg yn y wlad. Bryd hynny bydd Jwda’n cael ei hachub a bydd Israel yn saff. Yr enw ar y brenin yma fydd, ‘Yr ARGLWYDD sy’n rhoi cyfiawnder i ni.’

“Mae ar ben ar arweinwyr y wlad!” meddai’r ARGLWYDD. “Yn lle gofalu am fy mhobl fel mae bugeiliaid yn gofalu am eu defaid, maen nhw’n gwneud niwed iddyn nhw a’u gyrru nhw ar chwâl.”

“Ond dw i’n mynd i gasglu’r defaid sydd ar ôl at ei gilydd. Bydda i’n eu casglu nhw o’r gwledydd lle gwnes i eu gyrru nhw, a’u harwain nhw yn ôl i’w corlan. Byddan nhw’n cael rhai bach a bydd mwy a mwy ohonyn nhw. Bydda i’n penodi arweinwyr fydd yn gofalu’n iawn amdanyn nhw. Fydd dim rhaid iddyn nhw fod ag ofn. Fydd dim byd i’w dychryn nhw, a fydd dim un ohonyn nhw yn mynd ar goll,” meddai’r ARGLWYDD.

Dyma mae’r ARGLWYDD hollbwerus yn ei ddweud: “Peidiwch gwrando ar beth mae’r proffwydi yna’n ei ddweud – maen nhw’n eich twyllo gyda’u gobaith gwag. Maen nhw’n rhannu eu ffantasïau yn lle beth mae’r ARGLWYDD yn ei ddweud.