Popular Bible Verses from मती 28

Share

तहैलेल जो आ सब देसके लोकसबके चेला बना, पिता, पुतर आ पबितर आत्‍माके नाममे बप्‍तिस्‍मा दहै। हम तोरासबके आग्‍या करल सब बात मानैले ओकरासबके सिखा। देख, हम युगके अन्‍ततक सबदिन तोरासबके सङे चियौ।”

तखने येसु ओइसबलग आइबके कहल्‍कै, “स्‍वरगके आ पिरथिबीके सब अधिकार हमरा देल गेल छै।

तब स्‍वरगदुत ओइ जनिसबके कहल्‍कै, “नै डरा, हमरा मालुम छै कि तुसब कुरूसमे टाइङके मारल येसुके खोजै चिही। उ अते नै छौ महज जनङ कहने छेलै तहिनङ उ जिके उठल छौ। अते या, ओकरा राखलहा ठामके देख।

येसु ओकरासबके कहल्‍कै, “नै डराइ जाइजो, ज्‍याके हमर भाइसबके गालिलमे जाइले कैहदहै। ओतै उसब हमरा देखतै।”

तब मुख पुजारीसब अगुवासबके जमा कैरके बिचार करल्‍कै आ उसब सिपाहीसबके बहौत घुस दैत कहल्‍कै, “तुसब लोकसबके यि कहिहे कि ‘रातमे जब हमसब सुतल छेलियै तखैन ओकर चेलासब आइबके ओकर लहासके चोराके ल्‍यागेलै।’ यदी यि बात पिलातसके कानमे पुग्‍तै त हमसब ओकरासे यि बात मिलाके तोरासबके खतरासे बचालेबौ।” उ सिपाहीसब पैसा-कौरी ल्‍याके मुख पुजारीके कहल बमौजी करल्‍कै। यि बात यहुदीसबमे फैलगेलै आ अखुन्‍तो तक ओकरासबमे यि बातके चरचा हैत रहैछै।